Las Orcadas (tanben sonadas illas Orcadas ; en anglés : Orkney, en gaelic escossés : Arcaibh) son un archipèla del nòrd d'Escòcia, situat a 11 km al nòrd de la còsta de Caithness. L'archipèla se compausa de mai de 70 illas, que 20 sonque son abitadas. La superfícia totala es de 990 km². La mai granda illa es sonada Mainland, es per òrdre d'importància la seisena illa d'Escòcia e la novena de las illas enrodant la Grand Bretanha. La vila principala e centre administratiu es Kirkwall (8500 ab.).

Las Orcadas forman una de las 32 divisions administrativas d'Escòcia sonadas council areas, e tanben una region qu'elegís un representant al Parlament Escocés e nomenada constituency.

Las Orcadas son abitadas dempuèi 5500 ans. D'en primièr abitadas per de tribús neoliticas puèi per los Pictes, las Orcadas foguèron envasidas e annexadas per Norvègia en 875. Puèi en 1472 foguèron fin finala annexadas a la corona escocesa.

Las Orcadas contenon unes dels sits neolitics mai vièlhs e melhor preservats d'Euròpa, e lo "Còr de las Orcadas Neoliticas es classat al Patrimòni Mondial de l'UNESCO.

v · m Subdivisions d'Escòcia
Inverclyde Renfrewshire West Dunbartonshire East Dunbartonshire Glasgow East Renfrewshire North Lanarkshire Falkirk West Lothian Edimborg Midlothian East Lothian Clackmannanshire Fife Dundee Angus Aberdeenshire Aberdeen Moray Highland Na h-Eileanan Siar (Western Islas) Argyll e Bute Perth e Kinross Stirling North Ayrshire East Ayrshire South Ayrshire Dumfries e Galloway South Lanarkshire Scottish Borders Orcadas Islas Shetland