Jost Bürgi
Jost Bürgi (28 de febrier de 1552, Lichtensteig - 31 de genier de 1632, Kassel) es un relotgier, un astronòm e un matematician soís. Collaborator de Johannes Kepler (1571-1630), èra una personalitat scientifica reconeguda de son epòca e foguèt nomat relotgier imperiau. En particular, èra famós per sei relòtges astronomics e per seis instruments de mesura. Uei, es egalament conegut per son trabalh sus lei logaritmes. D'efiech, tre la fin dau sègle XVI, publiquèt de taulas trigonometricas que permetián de de realizar de multiplicacions ò de divisions de grands nombres gràcias a un sistèma d'addicions e de sostraccions (prostaferèsi). Puei, desvolopèt de tecnicas de calcul logaritmic que menèron a la publicacion d'una taula d'antilogaritmes en 1620[1]. Pasmens, per de rasons desconegudas, l'edicion de sei trabalhs logaritmics foguèt incomplèta. La taula foguèt publicada soleta, sensa explicacion, e l'error foguèt pas corregida avans 1856[2]. En consequéncia, sa taula demorèt pauc utilizada.
-
Retrach de Jost Bürgi
-
Relòtge astronomic fabricat per Jost Bürgi
-
Esfèra armillara fabricada per Jost Bürgi
-
Glòbe celestiau mecanizat fabricat per Jost Bürgi
-
Taulas logaritmicas publicadas en 1620
Liames intèrnes
[modificar | Modificar lo còdi]- Logaritme.
- Relòtge astronomic.
Bibliografia
[modificar | Modificar lo còdi]- (de) Jost Bürgi, Aritmetische vnd Geometrische Progress Tabulen, sambt gründlichem vnterricht, wie solche nützlich in allerley Rechnungen zugebrauchen, vnd verstanden werden sol, 1620.
- (de) Ludwig Oechslin, Der Bürgi-Globus : Technik und Kultur, Schweizerisches Landesmuseum, 2000.
- (de) Fritz Staudacher, Jost Bürgi, Kepler und der Kaiser - Uhrmacher, Astronom, Mathematiker, Instrumentenbauer, Erz-Metallurgist, 4en edicion, NZZ Libro, Zürich, 2018.
Nòtas e referéncias
[modificar | Modificar lo còdi]Text is available under the CC BY-SA 4.0 license; additional terms may apply.
Images, videos and audio are available under their respective licenses.