Er'espeluga de Marsolàs, en Comenge e en departament dera Hauta Garona, tanben aperada espeluga deras Hadas, qu'ei de talha petita mès d'ua grana riquesa arqueologica.

A partir de 1883, que hoc excavada per abat David Cau-Durban, qui hè eras prumèras descobèrtas.^[1] En 1897, Félix Régnault qu'identifiquèc pintruras e gravaduras parietalas. Que s'ageish dera prumèra espeluga ondrada descobèrta ens Pirenèus. Eths preïstorians Henri Breuil e Emili Cartalhac que realizèren un prumèr estudi e un inventari deras òbras parietalas der'espeluga.

F. Régnault que i mièc ua recèrca arqueologica en tot descorbir vestigis sustot magdalenians, mès tanben indicis aurinhacians e asilhans.

Era recèrca enterpresa en 1931 que revelèc ua grana quantitat de mobiliari preïstoric, sensiblament ua conca hèra grana dab traç d'òcra.

Eras pintruras e gravaduras, situadas sustot sus era paret a esquèrra, qu'arrepresentan bisons, shivaus, cervids, crabas, antropomòrfs e signes dab era forma deth hiu de hèr o quadrangulars. Un deths bisonts que's distingueish per un pliatge ^{[empliatge, empleatge, pleatge...?]} constituit de pontuacions arroias.

Er'espeluga que vadó «monument istoric» en 1910. Entad assegurar era sua conservacion, non pòt pas estar visitada. Totun, ua replica dera grana frisa que's tròba ath Parc pirenenc der art preïstoric de Tarascon d'Arièja.

1. ↑ (en) Er'espeluga de Marsolàs, art der'Edat de Glaç

• (fr) Er'espeluga de Marsolàs (Hauta Garona)