Diccionari català-valencià-balear
| Diccionari català-valencià-balear | |
 | |
| Autor | Antoni Maria Alcover, Francesc de Borja Moll i Casasnovas (ca)  e Manuel Sanchis i Guarner  |
|---|---|
| Genre | diccionari |
| Version originala | |
| Lenga | catalan |
| Parucion | Barcelona (1968) |
Lo Diccionari català-valencià-balear (DCVB), conegut tanben coma Diccionari Alcover-Moll en onor de sos creadors, Antoni Maria Alcover e Francesc de Borja Moll, es un diccionari descriptiu e etimologic que voliá reculhir tot lo patrimòni lexical del catalan. Es una aisina essenciala pels lingüistas estudioses de la lenga catalana e a mai una òbra de lectura d'interès per totes los que son pas especialistas. Realizat amb la collaboracion de nombrosas personas que provesiguèron de fichas lexicograficas. La direccion de l'elaboracion e las tascas principalas corresponguèron a Mossèn Antoni M. Alcover e a son collaboraire principal, Francesc de Borja Moll. Foguèt gràcias a aqueste darrièr que lo Diccionari sortiguèt en 1962. I collaborèron tanben, d'un biais regular e important, Manuel Sanchis Guarner e Anna Moll i Marquès.
Lo diccionari ten dètz volums, son en total 9850 paginas que provesisson mai de 160 000 articles. Actualament se pòt consultar en linha dins una version de 20 000 colomnas de tèxt, 70 Mo d'informacion textuala e 1500 illustracions de blanc e negre.
Ligams extèrnes
[modificar | Modificar lo còdi]Text is available under the CC BY-SA 4.0 license; additional terms may apply.
Images, videos and audio are available under their respective licenses.
