Cap de Creus
Lo Cap de Creus es situat dins la comarca gironesa de l'Aut Empordan, en Catalonha, al nòrd del golf de Roses, a l'extremitat nòrd-èst de la Peninsula Iberica, que constituís son punt pus oriental.
Es un puèg abrupte e rocalhós, de 672 m d'altitud, que s'enauça sus la Mediterranèa formant una pichona peninsula de caractèr montanhós, amb de nombrosas entalhas en forma de pichonas calas. D'un punt de vista geologic e morfologic, forma una partida dels relèus dels Pirenèus orientals, que s'enfonzan dins la mar pel massís del cap de Creus. Sus de terrens granitics e d'estructura laminara de l'ordovicic (paleozoïc).
Aquel païsatge foguèt tanben escalprat per las ondas provocadas per la tramontana, lo vent fred que bufa del nòrd e nòrd-oèst, e pels vents del levant. Dins aqueste airal se registran de precipitacions annalas entre 500 e 800 mm. Ça que la, es un clima mediterranèu umid, caracterizat per la doçor termica e de precipitacions moderadas.
Presenta una vegetacion de matas e d'arbrilhons de tipe garriga.
Lo cap de Creus ten un far a son extremitat orientala, que se tròba a 87 m d'altitud e qu'arriba amb son senhal luminós, fins a 34 milas.
Ligams extèrnes
[modificar | Modificar lo còdi]- (ca) El Cap de Creus
Text is available under the CC BY-SA 4.0 license; additional terms may apply.
Images, videos and audio are available under their respective licenses.
