Witney
Hovudgata i Witney
Plassering
Styresmakter
Land	Storbritannia
Konstituerande land	England
Grevskap	Oxfordshire
Distrikt	West Oxfordshire
Geografi
Innbyggjarar  - By (2001)	22 765
Koordinatar	51°47′N 1°29′W / 51.783°N 1.483°W / 51.783; -1.483
Diverse annan informasjon
Postnummer	OX28
Telefon-retningsnummer	0 1993
Commons har multimedium som gjeld: Witney

Witney er ein by i Oxfordshire i England. Han er administrasjonsby i distriktet West Oxfordshire, og ligg omkring 20 km vest for Oxford, rett ved hovudvegen A40 og elva Windrush.

Byen har vore kjent for produksjon av pledd sidan mellomalderen, men den siste fabrikken, Early's, er no nedlagt.

I seinare år har byen vokse kraftig, men den ser framleis i stor grad ut som ein typisk, gammal marknadsby i Cotswolds. Marknaden vart oppretta i mellomalderen, og det mest kjente landemerket er marknadskrossen Buttercross («Smørkrossen»), som har dette namnet fordi folk samla seg der for å handle smør og egg. Bygningen ved marknaden er frå mellomalderen, med ei klokke som vart installert i 1683.

Rådhuset er frå 1600-talet, og ein lokal segn seier at det vart teikna av Christopher Wren. Det finst ikkje bevis for at så er tilfelle. Soknekyrkja, vigd til Jomfru Maria, er frå 1200-talet. Gata West End reknast som ei av de best bevarte gatene i England.