Selina Barsosio, kjend som Sally Barsosio, (fødd 21. mars 1978) er ein kenyansk tidlegare friidrettsutøvar frå Keiyo som i 1997 vart verdsmeister på 10 000 meter, fire år etter ho tok bronsen på same distansen. Ho er den yngste personen som har vunne ein medalje i eit friidretts-VM.

Barsosio var einast 15 år og 5 månader gammal då ho vann bronsemedaljen på 10 000 m under verdsmeisterskapen i friidrett i Stuttgart i 1993, der ho etter målgang fyrst vart diskvalifisert for å ha hindra andre løparar, særleg Elana Meyer som fall ut av løpet. Tida 31.15,3 vart ståande som Barsosios beste på 10 000 meter.

Barsosio hamna lengre nede på resultatlista i dei største meisterskapane dei neste åra. I 1997 tok ho derimot gullmedaljen på 10 000 meter så VM fann stad i Aten, ho vart dermed den fyrste kenyanske kvinna som vann ein global meistertittel i løp på seniornivå. Eit par veker etter VM-sigeren sette Barsosio personbeste på 5 000 meter med tid 14.46,7 i eit stemne i Brussel.

Sidan deltok Barsosio både i 2000 og 2004 i milløpet under sommarleikane, utan å utmerke seg.

• VM 1993 i Stuttgart: Bronsemedalje på 10 000 m – 31.15,3
• VM 1995 i Göteborg: Nr 11 på 5 000 m – 15.39,5
• OL 1996 i Atlanta: Nr 10 på 10 000 m – 31.53,3
• VM 1997 i Aten: Gullmedalje på 10 000 m – 31.32,9, framom Fernanda Ribeiro (31.39,1)
• OL 2000 i Sydney: Nr 17 på 10 000 m – 31.57,4
• OL 2004 i Aten: Nr 17 på 10 000 m – 32.14,0