Philippe de Champaigne
Sjølvportrett, mellom 1625 og 1650
Statsborgarskap	Kongedømet Frankrike, De sørlige Nederlandene
Fødd	26. mai 1602 Brussel
Død	12. august 1674 (72 år) Paris
Yrke	kunstmålar, bygningstegner, biletkunstnar
Sjanger	portrett, sjangerkunst, historiemåleri, religiøs kunst, vanitas
Medlem av	Académie royale de peinture et de sculpture
Ektefelle	Charlotte Duchesne
Born	Catherine de Sainte-Suzanne
Philippe de Champaigne på Commons

Philippe de Champaigne (26. mai 1602–12. august 1674) var ein flamsk-fransk barokkmålar, ein av dei aller fremste innan fransk målarkunst på 1600-talet.

Champaigne var fødd i Brussel og voks opp der i tronge kår. Han gjekk i lære hos landskapsmålaren Jacques Fouquières. I 1621 flytta han til Paris, der han i lag med Nicolas Poussin arbeidde med å dekorere Palais du Luxembourg. Utsmykkingsarbeidet vart leia av Nicolas Duchesne, Champaigne sin komande svigerfar.

Etter at Duchesne døydde, arbeidde Champaigne for dronningmora Marie de Medici og for kardinal Richelieu. Kardinalen gav Champaigne ei rad oppdrag, målaren dekorerte både kardinalen sitt palass, kuppelen på Sorbonne-kyrkja, samt andre bygningar. I 1648 var Champaigne med på å grunnlegge Académie Royale de Peinture.

Omkring 1640 kom Champaigne under påverknad frå jansenismen. Etter at den lamma dottera hans på mirakuløst vis skal ha vorte lækt ved nonneklosteret i Port-Royal, måla han i 1662 det berømte, men utypiske måleriet Ex-Voto.

Champaigne laga eit veldig stort tal måleri, hovudsakleg religiøse verk og portrett. Tidleg i livet var han påverka av Rubens, seinare vart stilen meir asketisk.

Han døydde i Paris.

• 
  :Louis XIII
• 
  Kardinal Richelieu
• 
  Moses
• 
  Augustin av Hippo

Commons har multimedium som gjeld: Philippe de Champaigne