Natalia Rodríguez Martínez (fødd 2. juni 1979) er ein spansk tidlegare mellomdistanseløpar frå Tarragona. Ho vann bronsemedaljen på 1500 meter både i EM 2010 og VM 2011.

Rodríguez sprang inn til sjetteplassen på 1500-meteren både under verdsmeisterskapen 2001, europameisterskapen 2002, verdsmeisterskapen 2005 og dei olympiske sommarleikane 2008.

I VM-finalen 2009 i Berlin la Rodríguez alle konkurrentane på 1500 m bak seg på oppløpssida og braut målsnøret fyrst. Nokså omgåande vart ho diskvalifisert, etter som ho tidleg i siste sving dytta tetløparen Gelete Burka slik at den etiopiske utøvaren fall.

På spansk heimebane i 2010 sikra Rodríguez seg bronsemedaljen på 1500 m i EM, landskvinna Nuria Fernández vann løpet. Også i VM 2011 lukkast spurtsterke Rodríguez vinne bronsemedaljen på spesialdistansen.

Rodríguez sette sin personlege rekord på 3.59,5 i eit stemne i Rieti 28. august 2005.

• OL 2000 i Sydney: Utslått i kvalifiseringa (4.22,8=nr 37)
• VM 2001 i Edmonton: Nr 6 – 4.07,1
• EM 2002 i München: Nr 6 – 4.06,1
• VM 2003 i Paris: Utslått i semifinalane (4.08,8=nr 17)
• OL 2004 i Aten: Nr 10 – 4.03,0
• VM 2005 i Helsinki: Nr 6 – 4.03,0
• OL 2008 i Beijing: Nr 6 – 4.03,1
• VM 2009 i Berlin: Nr 10 – diskvalifisert i finalen
• EM 2010 i Barcelona: Bronsemedalje – 4.01,3
• VM 2011 i Daegu: Bronsemedalje – 4.05,8
• OL 2012 i London: Utslått i kvalifiseringa (4.16,1=nr 32)
• VM 2013 i Moskva: Utslått i kvalifiseringa (4.09,1=nr 20)