Midzhur/Midžor
fjell
Midžur i tåke. Grensesteinen sett frå serbisk side, og ein kan sjå at sjølve toppen ligg i Bulgaria.
Land	Serbia,  Bulgaria
Fjellkjede	Balkanfjella
Høgd	2 169 moh.
Koordinatar	43°22′48″N 22°40′12″E / 43.38000°N 22.67000°E / 43.38000; 22.67000
Midžor 43°23′38″N 22°40′55″E / 43.393888888889°N 22.681944444444°E / 43.393888888889; 22.681944444444
Wikimedia Commons: Midžor

Midzhur (bulgarsk Миджур) eller Midžor (serbisk Миџор) er eit fjell i Balkanfjella på grensa mellom Serbia og Bulgaria. Med ei høgd på 2169 meter over havet er toppen den høgaste i dei vestlege Balkanfjella, og i Serbia (om ein ser bort frå Kosovo). Midzhur er det tolvte høgaste fjellet i Stara Planina. Sjølve toppen ligg i Bulgaria, berre få meter unna grensa mellom dei to landa.

Sidan tidleg i 1990-åra har Midzhur vore tilgjengeleg for turistar frå begge sider, men tidlegare var toppen eit forbode grenseområde. På den bulgarske sida kan ein nå toppen frå landsbyen Gorni Lom. Chuprene biosfærereservat, som er verna av UNESCO, ligg vest for toppen. Fjellet er ein av få stader i Bulgaria der tiur framleis hekkar.

Kjelda til Lom ligg ved foten av fjellet. Fleire små vasskraftverk er i drift langs elva nær Midzhur. Ein må ha spesialløyve frå grensepolitiet i Sofia for å gå til toppen av fjellet.

Commons har multimedium som gjeld: Midžor

• Den bulgarske sida av Midzhur Arkivert 2007-01-05 ved Archive.is
• Peakbagger

Denne geografiartikkelen som har med Bulgaria og Serbia å gjere, er ei spire. Du kan hjelpe Nynorsk Wikipedia gjennom å utvide han.