Mamoudzou
| Mamoudzou | |||
| by | |||
 | |||
| Land |  Frankrike
| ||
|---|---|---|---|
| Region | Mayotte | ||
| Areal | 41,94 km² | ||
| Folketal | 57 300 (juli 2007[1]) | ||
 Mamoudzou 12°46′50″S 45°13′40″E / 12.7806°S 45.2278°E | |||
 Kart som viser Mamoudzou.
| |||
| Wikimedia Commons: Mamoudzou | |||
Mamoudzou er hovudstaden i det franske oversjøiske departementet Mayotte i Indiahavet. Han ligg på den største øya i departementet, Grande-Terre eller Mahoré. Mamoudzou er den folkerikaste kommunen i øya, og rundt 27 % av øybuane bur der.[1] Mamoudzou blei gjort til hovudstad i 1977, etter Dzaoudzi på den mindre øya Petite-Terre eller Pamanzi.[2]
Mamoudzou ligg nordaust på Mahoré, vest for sundet mot Pamanzi. Det er herfrå båtkontakten med den mindre øya føregår.[2]
Mamoudzou er ein kommune som er delt i tre kantonar: Mamoudzou I (Mamoudzou Kawéni), Mamoudzou II (M’Tsapéré Cavani) og Mamoudzou III (Passamainti, Itoundzou 1, Itoundzou 2 og Vahibéni).[3]
I sentrum av byen ved hamna finst ein statue av Zaïna Mdéré, som kjempa for at Mayotte skulle fortsette å høyra til Frankrike medan Komorane fekk sjølvstende, og marknaden i byen. På Mahabou-odden ligg grava til Andrianantsouly, den siste sultanen av øya. I M’Tsapéré-området i sør ligg den kvite Balamanga-moskéen og bygningar frå kolonitida. Kaweni i nord er eit industriområde som også har ein yrkesfagleg vidaregåande skule.[2]
Mamoudzou huser dei fleste sentrale tenestene i Mayotte, mellom anna det sentrale sjukehuset og biblioteket.[4]
Kjelder
[endre | endre wikiteksten]- ↑ 1,0 1,1 «Rencensement : 212.600 habitants à Mayotte en 2012» (15. nov. 2012), zinfos974.com
- ↑ 2,0 2,1 2,2 Chronologie (du 20 juillet 1953 au 22 juin 2007) Arkivert 2014-02-01 ved Wayback Machine., www.cg976.fr (Conseil Général de Mayotte)
- ↑ Mamoudzou Arkivert 2008-11-22 ved Wayback Machine., www.cg976.fr (Conseil Général de Mayotte)
- ↑ Hôpitaux de Mayotte (Mamoudzou); Bibliothèque départementale Arkivert 2014-04-28 ved Wayback Machine., cg976.fr
Bakgrunnsstoff
[endre | endre wikiteksten]- Offisiell nettstad Arkivert 2007-10-12 ved Wayback Machine., villedemamoudzou.fr
Text is available under the CC BY-SA 4.0 license; additional terms may apply.
Images, videos and audio are available under their respective licenses.
