Idrettsforeningen Skarp er eit idrettslag i Tromsø, stifta 30. juni 1919. Laget er aktivt med i fotball og futsal. Skarp har dei seinare år delteke på nivå tre og fire i seriesystemet. Alfheim stadion er heimebana til Skarp sitt A-lag. Laget spelar i svarte trøyer og strømpar, og kvite bukser.

Den fyrste fotballhallen i Noreg, Skarphallen, vart planlagd og bygt på 1980-talet av IF Skarp. Høge rentekostnader i åra kring 1989/90 førte til at laget måtte selje hallen. I 2009 tok Skarp i bruk ei kunststoffbane på vestsida av Tromsøya, der det seinare vart bygt klubbhus.