Henning er eit mannsnamn og slektsnamn av tysk opphav. Det har fleire moglege forklaringar, anten ei avleiing av Hagining, eit gammaltysk namn laga av hagan-, 'inngjerding', og aveleiingsendinga -ing, eller som ei plattysk kortform av Heinrich eller Johannes.

Henning har norsk namnedag den 22. mai og tysk den 11. juli.

Namnet var utbreidd i tida 1200 til 1500 i dei nordtyske områda Mecklenburg, Hannover, Hamburg, Holstein og Pommern. Namnet har vore brukt i Noreg frå 1400-talet.

I nayre tid har Henning vore mykje brukt i Danmark. I 2008 var det 21 099 danske menn, eller 0,8 %, som bar namnet. I Noreg var prosentdelen i 2006 0,2 %.

• Henning Stockfleth (d. 1664), norsk geistleg
• Henning Astrup (1864–1896), norsk arkitekt
• Henning Berger (1872–1924), svensk forfattar
• Henning Kehler (1891–1979), dansk forfattar
• Henning Carlsen (f. 1927), dansk filmregissør
• Henning Damgaard-Sørensen (f. 1928), dansk kunstnar
• Henning Christiansen (f. 1932), dansk komponist og kunstnar
• Henning Christophersen (f. 1939), dansk politikar
• Henning Kagermann (f. 1947), tysk forretningsmann
• Henning Mankell (f. 1948), svensk forfattar og regissør
• Henning Holstad (f. 1951), norsk forretningsmann og politikar
• Henning Sommerro (f. 1952), norsk musikar
• Henning Kvitnes (f. 1958), norsk musikar
• Henning Warloe (f. 1961), norsk politikar
• Poul-Henning Kamp (f. 1966), dansk programmerar
• Henning Berg (f. 1969), norsk fotballspelar
• Henning Kraggerud (f. 1973), norsk fiolinist
• Henning Solberg (f. 1973), norsk rallyførar
• Henning Braaten (f. 1979), norsk skater
• Roy Henning Snyen, norsk klassisk gitarist

• «Henning» i Store norske leksikon, snl.no.