Gustava Kielland
| Gustava Kielland | |
 | |
| Statsborgarskap | Noreg |
| Fødd | 6. mars 1800 Kongsberg kommune |
| Død |
28. februar 1889 (88 år) |
| Yrke | skribent |
| Språk | norsk |
| Ektefelle | Gabriel Kielland |
| Gustava Kielland på Commons | |
Gustava Kielland (fødd Susanne Sophie Catharina Gustava Blom (6. mars 1800–28. februar 1889) var saman med mannen presten Gabriel Kielland ein av føregangspersonane for misjon i Noreg. Ho er elles særleg kjent for å ha skrive julesongen «O, jul med din glede».
Gustava Kielland stifta Noregs aller første kvinneforeining i Lyngdal. Den første møteprotokollen til foreininga er datert 1844.
Elles stod ho saman med mannen i spissen for varige forandringar lokalt og nasjonalt. Andre juledag 1837 vart Lyngdal Afholdsforening stifta på kyrketrappa, og det vart danna misjonsforeninger knytte til kvar av kyrkjene i soknet.
På sine gamle dagar dikterte Gustava sine Erindringer fra mitt liv, gjeve ut som manuskript for slekta i 1882. Ei ny utgåve, bearbeidd for offentlegheita, kom i 1899. Boka inneheld ei samling dikt. Det mest kjende av desse er «Liden Ekorn».
Lyngdal, staden der Gabriel og Gustava budde store delar av livet, har i dag eit eige misjonsmuseum som heidrar minnet til paret. Gustava Kielland døydde i Skien i 1889.
Sjå òg
[endre | endre wikiteksten]Bakgrunnsstoff
[endre | endre wikiteksten]Text is available under the CC BY-SA 4.0 license; additional terms may apply.
Images, videos and audio are available under their respective licenses.
