Gruppa Carousel
| Carousel | |||
| Aktiv | 2015– | ||
|---|---|---|---|
| Sjanger | indiefolk | ||
Carousel er ei latvisk indiepop-gruppe som vart etablert i 2015. Carousel var fram til 2019 ein duo beståande av Sabīne Žuga og Mārcis Vasiļevskis. I 2019 vart Carousel utvida til ein kvartett, då Staņislavs Judins (kontrabass) og Mareks Logins (trommar) slutta seg til gruppa.[1]
Carousel vart nasjonalt kjend i Latvia då ho ovann songtevlinga Supernova i februar 2019 med songen «That Night». Med sigeren representerte gruppa Latvia i Eurovision Song Contest 2019 i Tel Aviv i Israel.[2]
Bakgrunn
[endre | endre wikiteksten]Carousel vart danna i Riga i Latvia i 2015, og bestod opphavleg av Sabīne Žuga (fødd 7. desember 1988) på vokal og Mārcis Vasiļevskis (fødd 16. februar 1987[3]) på gitar.[4] I 2019 slutta Staņislavs Judins og Mareks Logins seg til gruppa. Carousel omtalar seg sjølv som ei indiepop-gruppe som spelar sart stemme- og gitarbasert popmusikk «fulle av søte kjensler».[5] Sidan etableringa har gruppa opptredd i Latvia og utanlands, og jobba per 2019 med eit debutalbum.[5]
Hausten 2018 vart Carousel kjend for eit større publikum, då ho deltok i det latviske konsertshowet Pasaka ziemā. Vinteren 2019 stilla gruppa opp i songtevlinga Supernova 2019 på LTV med songen «That Night». Carousel vann finalen 16. februar og fekk dimed representere Latvia i Eurovision Song Contest i Israel i mai 2019.[2] Carousel enda på 15. plass i sin semifinale torsdag 16. mai og var dimed ikkje kvalifisert til finalen i Eurovision Song Contest laurdag 18. mai.[6]
Kjelder
[endre | endre wikiteksten]- ↑ Muldoon, Padraig (27. april 2019). «Carousel: 10 facts about Latvia’s Eurovision 2019 group». wiwibloggs. Henta 28. april 2019.
- ↑ 2,0 2,1 «Carousel is Latvia's hope for Eurovision 2019!». EBU. 16. februar 2019. Henta 17. februar 2019.
- ↑ «Sabīne Žuga - New Songs, Playlists & Latest News - BBC Music» (på engelsk). Arkivert frå originalen 17. februar 2019. Henta 17. februar 2019.
- ↑ «Mārcis Vasiļevskis - New Songs, Playlists & Latest News - BBC Music» (på engelsk). Arkivert frå originalen 17. februar 2019. Henta 17. februar 2019.
- ↑ 5,0 5,1 «Carousel» (på norsk bokmål). Henta 17. februar 2019.
- ↑ «Second Semi-Final: Last 10 acts qualify for Eurovision 2019 Grand Final». EBU. 16. mai 2019. Henta 17. mai 2019.
- Denne artikkelen bygger på «Carousel (band)» frå Wikipedia på bokmål, den 29. desember 2021.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
