G20 er eit uformelt forum for drøfting av økonomiske problemstillingar. I forumet deltek leiande industrialiserte land og leiande utviklingsland.

G20 er samansett av dei 20 største økonomiane i verda. Medlemmer (2008) er dei 19 statane Argentina, Australia, Brasil, Canada, Frankrike, India, Indonesia, Italia, Japan, Kina, Mexico, Russland, Saudi-Arabia, Storbritannia, Sør-Afrika, Sør-Korea, Tyrkia, Tyskland og USA i tillegg til Den europeiske unionen. I tillegg deltek Det internasjonale pengefondet (IMF) og Verdsbanken.

På dei årlege G20-møta samlast finansministrane og sentralbanksjefane i medlemslanda for å diskutere dagsaktuelle politiske og økonomiske saker.

G20-landa står for 85-90 prosent av brutto nasjonalprodukt i verda og 80 prosent av utanrikshandelen. Landa har to tredeler av befolkninga i verda.

G20 overtok rolla til G33 som igjen avløyste G22. Planane om ei slik gruppe kom fram under G7-møtet i Köln i Tyskland i juni 1999, og gruppa vart formelt etablert under møtet til G7-finansministrane 26. september 1999. Det konstituerande møtet vart halde 15. desember-16. desember 1999 i Berlin.

(Lista er ikkje komplett)

• 1999: Berlin i Tyskland
• 2000: Montreal i Canada
• 2001: Ottawa i Canada
• 2002: Delhi i India
• 2003: Morelia i Mexico
• 2004: Berlin i Tyskland
• 2005: Beijing i Kina
• 2006: Melbourne i Australia
• 2007: Cape Town i Sør-Afrika
• 2008: São Paulo i Brasil
• 2008: Washington D.C. i USA
• 2009: London i Storbritannia
• 2010: Nairobi i Kenya
• 2011: New Zealand
• 2012: Storbritannia
• 2013: St. Petersburg i Russland