Makhtesh (hebraisk מַכְתֵּשׁ, fleirtal מַכְתְּשִׁים, makhteshim) eller erosjonssirkel er ei geologisk landform som er unik for Negevørkenen i Israel. Ein makhtesh har bratte veggar av hardføre bergartar, som ligg kring ein djup, lukka dal, som vanlegvis vert drenert av ein enkel wadi. Dalane har avgrensa vegetasjon og jordsmonn og består av bergartar av forskjellig form og farge. Den mest kjende og største makhteshen er Makhtesh Ramon.

Sjølv om dei ofte vert omtalte som «krater», er desse formasjonane danna av erosjon, medan krater vert danna av nedslag av ein meteor eller eit vulkanutbrot.^[1]

Eit hardt ytre lag av stein dekkjer mjukare bergartar. Erosjonen fjernar dei mjukare bergartane, og vert vaska bort under den hardare bergarten. Den hardare bergarten kollapsar så under si eiga vekt og den kraterliknande dalen oppstår. I makthteshar i Negev og Sinai er desse harde bergartane kalkstein og dolomitt, medan dei indre, mjukare bergartane er kalk eller sandstein.^[2]

Negev har fem makhteshar: Makhtesh Ramon, Makhtesh Gadol, Makhtesh Katan og to mindre makhteshim ved Arif-fjellet, sør for Makhtesh Ramon.

• Makhtesh Ramon vert drenert av to elvar (Nahal Ramon og Nahal Ardon). Han er den største makhteshen og er over 40 km lang og 2-10 km brei, og over 500 meter djup. Bergarten i denne makhteshen inneheld tusenvis av fossil av ammonittar, i tillegg til vulkanske og metamorfe bergartar.
• Makhtesh Gadol (Store Makhtesh) var då han vart namngjeven den største kjende makhteshen.
• Makhtesh Katan (Vesle Makhtesh) er den minste av dei tre store makhteshane og er 7 km lang og 5 km brei.

Dei to makhteshane i Sinai i Egypt har ikkje namn, men veggane har fleire namn som Jabal al-Manzur eller Gebel Maghara.

• 
  Veggane i Makhtesh Katan
• 
  Fargerik sandstein i Makhtesh Katan
• 
  Makhtesh Katan
• 
  Fargerik sandstein i Makhtesh Katan
• 
  Akasietre innafor Makhtesh Gadol
• 
  Tåke strøymer over nordkanten av Makhtesh Gadol
• 
  Ramonmonoklinen på sørsida av Makhtesh Ramon
• 
  Ramonforkastinga på sørsida av Makhtesh Ramon

Wikimedia Commons har multimedia som gjeld: Makhtesh

v d e Naturreservat i Israel
Nordlege distrikt	· Ein Afek · Akhzivøyane · Alonei Yitzhak · Alonei Abba · Nahal Amud · Nahal Ayun · Balfouria · Bitan Aharon · Nahal Betzet · Nahal Dishon · Dorstranda og Ma'agan Michaeløyane · Ein Avazim · Ein Elah · Ein Nymphit · Ein Te'oh · Ein Yehuda · Nahal Gamal · Gamla naturreservat† · Snirelva · Hermon naturreservat† · Nahal Hermon† · Huladalen · Hurshat Tal · Hurshat Zakum · Kerem Ben Zimra · Nahal Kziv · Har Arbel · Karmelberget · Gilboa · Har Meron · Har Tabor · Pa'argrotta · Rosh HaNikra · Shamir-Nahal Rachum · Shimron · Nahal Taninim · Tel Anafa · Nahal Tavor · Tel Dan · Tel Shikmona · Nahal Yehiam
Sentrale distrikt	Adullam · Ashdod Nitzanim sandynepark · Bnei Zion · Avshalomgrotta · Hadasim · Ein Hemed · Gador · HaMasrek-reservatet · Har HaTayasim · Neot Kedumim · Nahal Poleg · Nahal Sorek · Nitzanimdynene · Palmachimstranda · Tel Yitzhak · Te'omimgrotta · Udim · Wadi Og
Sørlege distrikt	· Ein Gedi · Negevkratera · HaMakhtesh HaGadol · HaMakhtesh HaKatan · Makhtesh Ramon
Eilat-regionen	Korallstranda naturreservat  · Timnadalen  · Yotvata Hai-Bar
† Ligg i israelskokkuperte territorium