Einangsteinen
![](https://upload.wikimedia.org/wikipedia/commons/thumb/1/16/Einangsteinen_inscription2.jpg/390px-Einangsteinen_inscription2.jpg)
Einangsteinen er ein runestein frå 300-talet rista med den eldre futharken øvst i Gardbergfeltet i Vestre Slidre i Oppland fylke. Einangsteinen og Barmensteinen frå Selje i Nordfjord er dei eldste, norske runesteinane frå folkevandringstida som framleis står der dei vart reiste.
Steinen har fått namn etter den nærliggande garden Einang. Garbergfeltet er eit gravfelt frå jarnalderen, kor det òg er funne ei stor mengd kulturminne frå seinare tidsaldrar.
Den allment aksepterte tolkinga av innskrifta vart lagt fram av Erik Moltke i 1938. Han gjekk ut frå at det mangla fire runeteikn før det første teiknet som i dag er igjen av innskrifta. Han las då teksten på steinen slik:
- [Ek go]ðagastiR runo faihido[1]
Som kan tolkast som:
- Eg, Gudgjest, rista runene[2]
Sjå også
[endre | endre wikiteksten]Fotnotar
[endre | endre wikiteksten]- ↑ Spurkland, Terje (2005). Norwegian runes and runic inscriptions. Woodbridge: The Boydell press. s. 42–43. ISBN 1 84383 186 4.
- ↑ Einangsteinen på Valdresmusea sine nettsider.
Bakgrunnsstoff
[endre | endre wikiteksten]- Om Einangsteinen frå Valdresmusea sine nettsider.
- Einangsteinen i kulturminnesok.no, nettstaden til Riksantikvaren
- Denne geita har en viktig sommerjobb (4. juli 2020) NRK
Text is available under the CC BY-SA 4.0 license; additional terms may apply.
Images, videos and audio are available under their respective licenses.