Amnesia av Roxen
| «Amnesia» Song av Roxen | ||
| Land | Romania | |
| Språk | Engelsk | |
| Utgjeve | 4. mars 2021 | |
| Sjanger | Elektropop, pop | |
| Lengd | 02:54 | |
| Selskap | Warner Music | |
| Låtskrivar(ar) | Adelina Stinga, Victor Bourosu | |
|---|---|---|
«Amnesia» (norsk 'amnesi, minnetap') er ein engelskspråkleg elektropopsong frå 2021 med den rumenske songaren Roxen. Songen er skriven av Adelina Stinga og Victor Bourosu, og han vart utgjeven 4. mars 2021.[1] «Amnesia» var det rumenske bidraget i Eurovision Song Contest 2021 i Rotterdam i Nederland.
Om songen
[endre | endre wikiteksten]«Amnesia» er komponert av Adelina Stinga og Victor Bourosu. Songen er skriven for Roxen, og teksta er delvis sjølvbiografisk.[2] Songen handlar om ei ung kvinne som slit med seg sjølv og presset frå omgivnadene. Sjølv om ho til stadighet er omgjeven av frykt, som delvis kontrollerer ho, klarer ho å bli kvitt frykta og gjenerobrer kontrollen og vert sterkare og tryggare på seg sjølv.[2] Songen skal òg gje ei stemme til alle undertrykte kjensler, og til alle som ikkje har blitt høyrt, blant anna under pandemien.[3]
Eurovision Song Contest
[endre | endre wikiteksten]Roxen skulle ha delteke i Eurovision Song Contest 2020 med låten «Alcohol You». Då Eurovision Song Contest vart avlyst på grunn av koronaviruspandemien, vedtok den rumenske kringkastaren TVR at Roxen skulle få delta i 2021 i staden, men med ein ny låt. «Amnesia» vart sloppen 4. mars 2021.
«Amnesia» var det rumenske bidraget til Eurovision Song Contest 2021 i Rotterdam i Nederland. Songen deltok i den fyrste semifinalen tysdag 18. mai 2021, der han enda på tolvteplass med 85 poeng.[4] Sidan Romania ikkje hamna blant dei ti beste, kvalifiserte ikkje landet seg til finalen laurdag 22. mai.[5][6] Dette var tredje gongen på rad at Romania vart slått ut i semifinalen.
Listeplasseringar
[endre | endre wikiteksten]| Liste (2021) | Høgaste
plassering |
|---|---|
| Litauen (AGATA)[7] | 51 |
| Nederland (Single Tip)[8] | 26 |
Utgjevingshistorikk
[endre | endre wikiteksten]| Region | Dato | Format | Merke | Ref. |
|---|---|---|---|---|
| Diverse | 4. mars 2021 | Digital nedlasting, strøyming | Warner Music | [1] |
Kjelder
[endre | endre wikiteksten]- ↑ 1,0 1,1 «Amnesia - Single by Roxen» (på engelsk). Henta 5. mars 2021.
- ↑ 2,0 2,1 «Roxen releases Amnesia music video, confirms song for Eurovision 2021» (på engelsk). 4. mars 2021. Henta 5. mars 2021.
- ↑ «ROXEN debuts unforgettable 'Amnesia'» (på engelsk). 4. mars 2021. Henta 5. mars 2021.
- ↑ «First Semi-Final of Rotterdam 2021» (på engelsk). Henta 24. august 2021.
- ↑ «2020 Semi-Final line-up to stay for 2021» (på engelsk). 19. november 2020. Henta 5. mars 2021.
- ↑ «First Semi-Final 2021: The Qualifiers» (på engelsk). 18. mai 2021. Henta 21. mai 2021.
- ↑ «2021 21-os SAVAITĖS (gegužės 21-27 d.) SINGLŲ TOP100.» (på litauisk). 28. mai 2021. Henta 29. mai 2021.
- ↑ «Roxen – Amnesia». Dutchcharts.nl. Henta 29. mai 2021.
- Denne artikkelen bygger på «Amnesia (Roxen-sang)» frå Wikipedia på bokmål, den 15. desember 2021.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
