Amerikaslangehals
Amerikaslangehalshann
Utbreiing og status
Status i verda: Livskraftig Utbreiinga av Amerikaslangehals
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sulefuglar Suliformes
Familie:	Slangehalsar Anhingidae
Slekt:	Anhinga
Art:	Amerikaslangehals A. anhinga
Vitskapleg namn
Anhinga anhinga Linnaeus, 1766

Amerikaslangehals (Anhinga anhinga) er ein fugl i gruppa slangehalsar. Han lever i den sørlege delen av Nord-Amerika, i Mellom-Amerika og i den nordlege delen av Sør-Amerika.

Amerikaslangehalsen er ca. 85 cm lang og har eit vingespenn på 117 cm. Han veg ca. 1 350 gram. Fuglen er svart, og likner derfor på ein skarv, men slangehalsane kan kjennast igjen på den lange halsen sin som har gjeve dei namnet «slangehals».

Amerikaslangehalsen et fisk, som han dykkar etter. Han mangler gumpkjertel som kan produsera vassavstyøtande olje. Dette gjer at slangehalsen ikkje kan symja slik til dømes skarvar gjer, sidan fjørene trekk til seg vatn som gjer fuglen tyngre.

Amerikaslangehals er verna i USA etter Migratory Bird Treaty Act.^[1] Arten er rekna som livskraftig. Ein kjenner ikkje det nøyaktige talet på individ, men fuglane er utbreidde i det 15 000 000 km² store leveområdet sitt.^[2]

• 
  Hannfugl tørkar fjørene sine og varmar seg i Florida i USA.
• 
  Fugl syner den slangeaktige halsen og skarpe nebbet sitt.
• 
  I flukt i Sør-Carolina i USA.
• 
  Juvenil i Uarini i Amazonas i Brasil.
• 
  Juvenilar med kvit fjørdrakt.
• 
  Hofugl i Florida.