Akronym
Eit akronym (frå gresk ακρος, akros, «øvst»/«ytst» og ονομα, onoma, «namn») er eit førebokstavsord eller ein type forkorting som vert lesen og uttala som eit vanleg ord, altså ikkje bokstav for bokstav.[1]
Døme på vanlege akronym er laser, NATO og radar. I dømet laser står bokstavane for «Light Amplification by Stimulated Emission of Radiation», altså «forsterking av lyssignal ved stimulert utstråling».[2] NATO tyder «North Atlantic Treaty Organisation» (Atlanterhavspakta),[3] medan radar tyder «RAdio Detecting And Ranging».[4]
I forkortingar som DnB, DBS, NSB, BBS også vidare vert bokstavane uttala kvar for seg, og desse er altså ikkje akronym.[5]
Litterære akronym: TANSTAAFL (there ain't no such thing as a free lunch), ASAP (as soon as possible).
Sjå òg
[endre | endre wikiteksten]- Akrostikon
- Initial
- Rekursivt akronym
Kjelder
[endre | endre wikiteksten]- ↑ «akronym» i Nynorskordboka.
- ↑ «laser» i Nynorskordboka.
- ↑ «NATO» i Nynorskordboka.
- ↑ «radar» i Nynorskordboka.
- ↑ «Reglar for forbokstavord som PC, TV, NATO, FN og WWF», Språkrådet (på norsk bokmål), henta 9. januar 2021
Bakgrunnsstoff
[endre | endre wikiteksten]
- Reglar for forbokstavord som PC, TV, NATO, FN og WWF ved sprakradet.no
Text is available under the CC BY-SA 4.0 license; additional terms may apply.
Images, videos and audio are available under their respective licenses.
