日本国
निप्पोन/निहोन (कोकु)
जापान

ध्वांय इम्पेरियल सिल
म्ये: "किमि गा यो" (君が代) (नेपाल भाषा सम्राटयागु शासन)
राजधानी	टोक्यो 35°41′N 139°46′E
Most populous conurbation	टोक्यो१
औपचारिक भाय	जापानी भाय
सरकार	संवैधानिक राजतन्त्र
- जापानयाम्ह जुजु	Naruhito
- जापानयागु प्रधानमन्त्री	शिन्जो आबे
दयावगु
- National Foundation Day	फेब्रुवरी ११, ६६० बी सी2
- मेइजी संविधान	नोभेम्बर २९, १८९०
- आयागु संविधान	मे ३, १९४७
- स्यान फ्र्यान्सिस्कोयागु सन्धि	अप्रिल २८, १९५२
क्षेत्रफल
- फुकं	377,873 किमि² (६२औं)
	(145,883 वर्ग माइल)
- लयागु प्रतिशत (%)	0.8%
जनसंख्या
- 2005 एस्टिमेटेड	128,085,000 (10th)
- 2004 सेन्सस्	127,333,002
- जनघनत्व	337/किमि² (30th) (873/वर्ग माइल)
कुल ग्राहस्थ उत्पादन (पि पि पि)	2005 एस्टिमेट
- फुकं	$3.911 trillion (३थासे)
- प्रति छ्यं	$३०,६१५ (१६गु)
मुद्रा	येन (¥) (JPY)
ई क्षेत्र	JST (UTC+9)
इन्टरनेट TLD	.jp
कलिंग कोड	+81
१ योकोहामा is the largest incorporated city. 2 Japan was founded on this date by the legendary Emperor Jimmu, first emperor of Japan; it is seen as largely symbolic.

जापान पूर्वजम्बुदिपय् विद्यमान जुउ देश खः। जापान एसियायु देय् खः। प्रशान्तमहासागरय् विद्यमान जुगु थो देशः जापान्-सागरः, चीन, उत्तरकोरिया, दक्षिणकोरिया, रूसदेशायाउ पूर्वभागे ला । जापान प्यंगु तधंगु व यक्व चीधंगु द्वीपतेगु छगु समूह खः। थ्व द्वीप एसियायु पूर्व समुद्रतट वा प्रशान्त महासागर य् स्थित दु। जापानीतेसं थगु देय् यात निप्पन धाइ गुकिगु अर्थ खः सूर्द्यनिकास।

जापानयु राजधानी टोक्यो खः व थ्व देय् यागु मू महानगर योकोहामा, ओसाका व क्योटो खः।

जापानी लोकबाखं कथं हलिमयु निर्माता नं सूर्द्य देवी व तिमिला देवी यात नं देकल। लिपा वेकयागु छेय् क्यूशू द्वीपय् वल व लिपा उइगु सन्तान होन्शू द्वीपय् फैले जुलः।

जापानयु प्रथम च्वयातगु दस्तावेज ५७ ईस्वीय् छम्ह चीनी च्वमि नं लुगु दु। थुकिलि छम्ह थन्यागु राजनीतिज्ञयु चीन भ्रमणयु वर्णन दु सु पूर्वयु छगु द्वीप नं वगु खः। बिस्तारं निगु देय् तेगु दथुइ राजनैतिक व सांस्कृतिक सम्बन्ध पलिस्था जुल। व ईले जापानीतेसं छगु बहुदैविक धर्मयु पालना याना च्वंगु दै गुकिलि यक्व द्य दयाच्वनि। खुगु शताब्दीय् चीन नं जुया बौद्ध धर्म जापान थ्येन। थ्व धुंका पुलांगु धर्मयात शिन्तो यु नां बिल। थ्व खंग्वयु अर्थ खः द्यतेगु पंथ। बौद्ध धर्म नं पुलांगु मान्यतातेत मसीधेकुसें हे मू धर्म जुलः। चीन नं बौद्ध धर्म जक्क मखु लिपि, प्यागोडा आदि नं जापान थ्यनः।

शिन्तो मान्यता कथं छम्ह जुजु सी धुंका लिपायाम्ह शासक नं थगु राजधानी न्हुगु थासे देके माः। बौद्ध धर्मयु आगमन धुंका मनुतेसं थ्व मान्यतायात त्वता बिलः। ७१० ईस्वीय् जुजु नं नांरा नांयागु छगु सहरय् थगु स्थायी राजधानी देकलः। शताब्दीयु अन्तय् थुकित हाइरा नामक नगरय् स्थानान्तरित याना बिल। व धुंका थ्व थाय् यात क्योटो यु नां बिल। सन् ९१०य् जापानी शासक फूजीवारा नं थयात जापानयु राजनैतिक शक्ति नं अलग यात। थ्व धुंका जापानयु सत्तायु मू राजनैतिक रूप पातः। थ्व दे थगु समकालीन भारतीय, युरोपेली व इस्लामी क्षेत्र स्वया पूवंक पाना वन गनकि सत्ता प्रमुख हे शक्तियु प्रमुख नं जुइ। थ्व वंशयु शासन ११गु शताब्दी यागु अन्त तक्क दयाच्वन। यक्व मनुतेगु मिखाय् थ्व काल जापानी सभ्यतायु स्वर्णकाल खः। चीन नाप सम्पर्क म्हो जुल व जापान नं थगु छगु म्हसीका देकल। १०औं शताव्दीय् बौद्ध धर्मयु मार्ग जापानय् लोकंह्वात। जापानय् यक्व प्यागोडायु देकेज्या जुलः।

मध्यकालय् जापानय् सामन्तवाद यु जन्म जुलः। जापानी सामन्ततेत सामुराइ धाइ। जापानी सामन्ततेत कोरिया नं निक हमला यासां जापानीतेसं कोरिया व चीनयु मिंग शासकतेत बुकाबिल। १६गु सताव्दीय् युरोपयु पोर्तुगाली व्यापारिय व मिशनरीतेसं जापानयात पश्चिमी हलिम नाप सांस्कृतिक तालमेल याकेगु ज्या न्ह्यथंकल।

१८५४य् दक्ले न्हापालाक्क जापानं पश्चिमी देय् नाप बनेज्या सम्बन्ध स्थापित यात। थगु तधंगु औद्योगिक क्षमतायु संचालनयु लागि जापानयात प्राकृतिक संसाधनतेगु आवश्यकता दया वल। थुकिगु लागि जापानं १८९४-९५य् चीन व १९०४-०५य् रूसनाप ल्वापु यात। जापान नं रूस-जापान युद्धय् रूसयात बुकलः। छगु एसियाली देय् नं छगु युरोपेली शक्तियात बुकुगु थ्व दक्ले न्हापांगु अवसर ख। जापान नं विश्व युद्ध २य् धुरी राष्ट्र यु साथ बिल। १९४५य् अमेरिका नं हिरोशिमा व नागासाकी य् परमाणु बम क्येके धुंका जापान नं आत्मसमर्पण यात।

थ्व धुंका जापान नं थयात छगु आर्थिक शक्तियु रूपय् सुदृढिकरण यात व आ प्रविधिय् थ्व देय् अग्रणी देय् जुया च्वंगु दु।

जापान यक्व द्वीप नं दुगु देय् खः।

जापान संवैधानिक राजतन्त्र खः। थ्व देय् ये बहुदलीय प्रजातन्त्र दु।

सैनिक रूपय् अमेरिका नाप निर्भर जापानयु सम्बन्ध अमेरिका नाप बांला ।

जापानयु वर्तमान संविधानं थ्व देय् यु सेना नं मेगु देय् ये सैनिक अभियान वा अतिक्रमण याये मब्यु।

जापान हलिमयागु निगुगु तधंगु अर्थव्यवस्था खः।

जापान छुं दशक निसें विज्ञानय् अग्रणी थासे लाः।

जापानयु ८४ प्रतिशत जनता शिन्तो व बौद्ध निगु हे धर्मयु पालना याई।

लगभग ९९% जनता जापानी भायय् नवाइ।

• जापान (विकिस्नरी)

एसियाया देय्‌तयेगु धलः

अजरबैजान | अफगानिस्तान | आर्मेनिया | इण्डोनेसिया | इराक | इजरायल | ईरान | उज्बेकिस्तान | उत्तर कोरिया | ओमान | कजाख्स्तान | कतार | क्याम्बोडिया | कीर्गीस्तान | चीन | जापान | ज्योर्जिया | ताजिकिस्तान | तर्कमेनिस्तान | टर्की | थाइल्याण्ड | दक्षिण कोरिया | नेपाल | पाकिस्तान | पूर्व टिमोर | फिलिपिन्स | बहरिन | बंगलादेश | ब्रुनाइ | भारत | भूटान | मलेसिया | मंगोलिया | मालद्विप | म्यानमार | यमन | जोर्डन | रुस | लाओस | लेबानन | भियेत्नाम | संयुक्त अरब ईमिरेट्स् | साइप्रस | साउदी अरबिया | सिंगापुर | सीरिया | श्रीलंका विकिमिडिया मंका य् थ्व विषय नाप स्वापु दुगु मिडिया दु: Japan