Ne röste is een begrip oet de muziek. Et gef een ogenblik (en de lengte van et ogenblik) an woerop as nen muzikant niks hooft te spöllen. Det kan heel kort wean, mear ook heel lange.

Um an te geven wo lange as den muzikant niks te doon hef, zint der in de bladmuziek verskillende tekens bedacht. Disse tekens geevt nen relatieven tiedsdoer an, ofhankelik van de ekeuzene spölsnelheid. Ne kwartröste doert biej 100 slagen de minute länger as biej 150 slagen de minute, mer ze doert beide nen tel.

Hieronder een oawerzicht van de verskeidene soorten rösten binnen ne moate.

Wieders zint der ook nog rösten dee as meardere moaten doeren könt. Dee wordt anders anegeven.

Een bekend muziekstukke wat enkel oet rösten besteet is 4'33, van 'n experimentelen muziekskriever John Cage (1912–1992). Um dit oet te voren zitt de muzikanten 4:33 minuten stille achter öar bladmuziek, mer telt wal met. Al heur iej niks, toch is et muziek.