t Köllumerlands is n dialekt van t Westerkertiers, dat op zok weer tot t Grunnegs heurt. t Wordt sproken ien t westelke part van de gemeente Zuudhörn en t oostelke part van de gemeente Köllumerland en Nijkruusland. t Is een van de dialekten dij n overgong vörmen tussen t Hoogelandsters en t Fries.

De noam Köllumerlands wordt ook wel bruukt veur t Westerkertiers ien zien algemeen.

Hiernoast zigt man n koartke van Friesland, Grunnen en Oostfriesland. t Grieze part is t gebied woar of t Westerkertiers sproken wordt en t grune part is t gebied woar of t Kölmerlands sproken wordt.

Net as de meeste andere Westerkertierse dialekten, kint t Kölmerlands de typisch Grunnegse klanken ai en ou niet. t Köllumerlands dut veul denken aan t Stadsfries van Köllum en Dokkum.

t Köllumerlands is middelkerwies ontstoan doe t olle Köllumerland zok ien 15. aiw oanloot bie t gezag van t Stad. Ook kwammen der luu uut t oosten om de boedel doar ien te poldern. t Fries dat doar sproken wur, veraanderde laangzoam ien t Grunnegs, moar het meer ienvloeden achterloaten as datt ien t Hoogelandsters doan het. Ien t Pompsters is de Friese ienvloed t grootst van aal Grunnegse dialekten.

• Indo-Europees
  • Germoans
    • West-Germoans
      • Leegduuts
      • Leegsaksisch
        • Grunnegs
          • Westerkertiers
            • Köllumerlands

Schreven ien t Zuud-Westerkertiers