'A Bic (o pure BIC Group) è n'aziende cu 'a base a Clichy, 'inta Franza, ca è stata funnata 'int'ô 1945 d''o barone Marcel Bich, leader 'int'a pruduzzione 'e prudutte ppe 'a cancellerì comme 'a classic penna a palla.

'O nomme d''a suggità vene 'a na accurciazzione d''o cugnomme d'' funnatore. Aropp' ô gran succiesse attenuto 'e 'l'affermazione 'int' chistu campo ha abbiato a pruducere ate prudutte use e vutta machinette, rasole 'a varva e, d''o 1979, pure ttavule 'a surf, windsurf, kytesurf e kayak.

'A suggità fuje funnata 'a Marcel Bich appriesso a Edouard Buffard. 'E doje accattano na fraveca e cumenzarono na 'mpresa ppe 'a pruduzzione 'e lappese e 'e ppenne stilografeche. 'Int'ô dicembre 'e 1950 'o barone presentaje 'a penna a palla nuova soja, ca venne chiammate BIC. 'O nomme ca steve in prencepio era Bich comme 'o nomme 'e patrone, ma 'a acca finale fuje levata ppe scanzà na pussibbele prununcia nun justa ppe lengua ngrese comme bitch ca vô dicere malafemmena. Pure si 'a penna nun fusse d''o tutto nuova (Bich 'n affetto pigliaje 'e deritte 'e brevvetto d''o mmentore argentino-angherese László József Bíró) 'o metodo 'e pruduzzione però 'o fuje. 'Na penna a palla poca custosa e pure affidabbele fuje presentata ô munno sano. Int'ô settembre 'e 2005 'a suggità BIC facette sapè 'e avé vennuto 100 meliarde 'e ppenne use e vutta, facenna addiventaje 'a cchiù vennuta 'int'ô munno.

Diece anne arrop'ô relasso d''e ppenne BIC 'int'Europa, 'e stesse fujeno presentante into 'e State Aunite d'Amereca. 'E mmerecane â abbiata fujeno guardinghe d''e ppenne BIC. 'N affetto nce stavano multe ate ppenne 'ncopp'ô mercato ô mumento e accussì 'e pperzone fujeno esitante a cagnà. 'A diffusione d''e BIC accummenzaje a crescerse cu 'a campagne pubblicitare 'n televisione, ca diceva 'o slogàn "Writes first time, every time" (ca ppe 'nnappulitano sta ppe dicere "Ogne vota ca scrive pare ca fosse 'a primma vota". 'A BIC spartaje 'e ppenne ppe 29 centeseme ciascaduno, e 'into giro 'e n'anno, scese 'ncoppa 10 cent. Mmo 'a penna cchiù vennuta a chella vanne è 'a Cristal. Ppe quanto riguarda 'e macchinette, 'a BIC detene 'o primmato 'e vennute ppe chille ca sa scettano aroppo ll'autilizzo.