ونسان ون گوگ فینسِنت فان خوخ Vincent van Gogh
شه دکشی‌یه ون گوگ (۱۸۸۸)
اطلاعات کلی
بزائنی روز	۳۰ مارس ۱۸۵۳ زوندِرت، شومالی برابانت، هولند
بمردن	۲۹ ژوئیه ۱۸۹۰ (۳۷ سالگی) اور، پاریس پَلی، فرانسه
ملیت	هولندی
جنبش	پسادریافتگری
زمینه فعالیت	نقاشی، طراحی، چاپ[۱]

وَنسان وَن گوگ یا فینسِنت ویلم فان خوخ (به هولندی: Vincent Willem van Gogh)‏ (۳۰ مارس ۱۸۵۳ - ۲۹ ژوئیه ۱۸۹۰) اتا گت نقاش هولندی بی‌یه. وه شه زندگی زمون خله معروف نیّه و شه زمون فقط اتا تابلو ره بروته،^[۲] اما اسا به عنوان اتا از تاثیرگذارترین نقاشون پسادریافتگر بشناسی‌یه وانه.

ون گوگ شه جوونی ره به عنوان دلال آثار هونری و معلم بگذرونی‌یه. مدتی هم بریتانیا دله و میون کارگرون معادن زغال سنگ شهر بوریناژ بلجیک دله به عنوان مبلغ مسیحی فعالیت کارده. وه شه جدی کارون ره به عنوان طراح و نقاش سال ۱۸۸۰ و سن ۲۷ سالگی دله شروع هاکرده، و از اونجه که سن ۳۷ سالگی بمرده، تموم آثارش ره ۱۰ سال آخر عمرش بساته که شامل بیش از ۹۰۰ نقاشی، بیش از ۱۱۰۰ طراحی و ۱۰ چاپ^[۱] هستنه.

ون گوگ شیفته نقاشی از مردم طبقهٔ کارگر مثل تابلوی سیب‌زمینی‌خارون، کافه‌ئون شوئونه مثل تراس کافه شو گادر، مناظر طبیعی فرانسه، گلای آفتابگردون، شوی اساره‌ئون و شه‌دکشی‌یه بی‌یه. وه آخرسری به خاطر مریضیای روحی و روونی، خادکاشی هاکرده.

• ویکی‌پدیای کارزنون، «ونسان ون گوگ»، انگلیسی ویکی‌پدیا، آزاد دانشنومه، دله. (هارشی‌یه بَیی ۱۸ اکتبر ۲۰۰۷).
• گامبریچ، ارنست. تاریخ هنر. ترجمهٔ رامین، علی. چاپ چهارم، تهران: نشر نی، ۱۳۸۵، 3-470-312- ISBN 964. ‏
• مهرزاد محمودی، ونسان ون گوگ.

ویکی تلمبار دله بتونّی پرونده‌ئونی که ونسان ون گوگ خَوری دَره ره پیدا هاکنین.

• آثار ون گوگ؛ کعبهٔ هنردوستان وب‌گاه رادیو زمانه
• نامه‌های ون گوگ کامل و با حواشی به زبان انگلیسی
• وب‌گاه موزه ون گوگ در آمستردام
• عکس جاهایی که ون گوگ در فرانسه نقاشی کشیده
• مجموعه آثار ون گوگ