اردوان دوم
اردوان دوم 
| ||||||||||
اردوان دوم که اتی منابع دله اردوان سوم هم بشمارست وونه، اتا اشکانی شاهنشاه بی‌یه که حدود سال دوازدهم میلادی قدرت برسی‌یه و تا ۳۸ یا ۴۱ میلادی حکومت داشته.[۱] زمونی که ونون اول (بهنام) حکومت برسی‌یه، مهستان میلس تصمیم بیتنه که وه ره شاهی سر جه بیرن چون روم دله گت بئی بی‌یه و رومی‌ها دستوری بی‌یه. ونون فرار هاکرده و بورده ارمنستون ولی اردوان که ونه جا ره بئیت بی‌یه، ونه دمبال سر بورده و وه ره روم طرفی کیش هدا. این گدر روم امپراتور شه لشکر ره ارمنستون بیتن وسّه آماده هاکرده و جنگ دله اردوان ره شکست هدانه. اردوان حکومت جه کناره بورده و تیرداد سوم ونه جا ره بیته ولی اردوان بی‌کار ننیشته و بورده گرگان دله شه وسّه طرفدار جمع هاکرده و تیسفون ره لشکر بکشی‌یه. این گدر رومی‌ها خاستنه دِباره جنگ دکفن که شه سامون ره ویشته هاکنن و اردوان وشون جه گپ بزو و ارمنستون ره هدا روم ره. مهستانِ مِیلس قبول نکرده و باته اردوان عرضه ندارنه و همینسه اتی شاه ره انتخاب هاکردنه که ونه جا ره بَیره. اردوان اَی شورش هاکرده ولی کشور دله جنگ بیّه و این وضع تا سال‌ها دمباله پیدا هاکرده.
منابع
[دچی‌ین]- ↑ ویکی‌پدیای کارزنون، «فهرست شاهان و شاهنشاهان اشکانی»، فارسی ویکی‌پدیا، آزاد دانشنومه، دله. (هارشی‌یه بَیی ۲۴ تیر ۱۴۰۲).
Text is available under the CC BY-SA 4.0 license; additional terms may apply.
Images, videos and audio are available under their respective licenses.
