Шайтянонь ош
«Шайтянонь ош» (руз. «Город Дьявола», серб. Ђавоља варош) — Сербиянь пелечиёнкссо Радан пандо прясо ош, Куршумлия ошонть эйстэ лембе-чилисимав 27 вайгельбень туро, пертьпельксэнь (природной) содавиксэв тарка[1].
Те кевень 202 палманть, конатнень сэрест 2 метрасто саезь пачколи 15 метрас, [1][2]. средней эчкелмаст 1 метра, прясост аштить кевень блокт, конатнень сталмост тарги мик 100 кг. Палмантне теевст сынсь, вармадо лазновома вельде. [3] Те таркасонть улить кавто лисьмапрят: Шайтянонь ведь ды Шайтянонь лисьма, конат вельть минерализовазь (15 г/л-эс), мезенть эйстэ маласо касовкстнэ чурот (те самай вармадо лазновомань тувталось).
Теевксэнть лия ёнов амолемазо тосонь эрицятнень мельсэ-превсэ раштась ламо сумборя легендат, конатнень коряс мейле лемдизьгак «Шайтянонь ошокс». Тезэнь сакшныть туристт, седе ламо экскурсиятне ютавтовить веть. [2].
1959-це иеcтэ «Шайтянонь ошонтень» макссть ванстома (охранной) статус, 1995-це иестэ Сербиянь правительствась макссь тензэ пертьпельксэнь памятникень статус. 2002-це иестэ ЮНЕСКОсь совавтызе Всемирной наследиянь объектэнь икелепелень (предварительной) спискас.
Лисьмапрят
[витнемс лисьмапрянть]- ↑ 1,0 1,1 About Devil`S Town(англ.). Ваннозь 16 Панжиковонь 2015.
- ↑ 2,0 2,1 Андрушкевич, Юрий Петрович. Тайна горы Радан // 100 самых необычных мест планеты. — М., 2014.
- ↑ The Djavolja Varos (Devil's Town) Natural Landmark(англ.). UNESCO World Heritage Centre. Ваннозь 16 Панжиковонь 2015.
Невтевкст
[витнемс | витнемс лисьмапрянть]Text is available under the CC BY-SA 4.0 license; additional terms may apply.
Images, videos and audio are available under their respective licenses.
