ဂရိကမ္ဘာဦးနတ်ဘုရားများ
ဂရိဒဏ္ဍာရီတွင် ကမ္ဘာဦးနတ်ဘုရားများ ဆိုသည်မှာ ခေးယော့စ် ခေါ် ဟင်းလင်ပြင်မှ ဖြစ်လာသော ပထမဆုံး နတ်ဒေဝါများဖြစ်သည်။ ဟီးဆီးယဒ်အလိုအရ ထိုနတ်ဘုရားများမှာ ဂိုင်ယာ (ကမ္ဘာမြေ)၊ တားတာရပ်စ် (ငရဲဘုံ)၊ အဲရော့စ် (တပ်မက်မှု တနည်း အချစ်)၊ အဲရာဘာ့စ် (အမှောင်ထု)၊ ဟဲမရာ (နေ့)၊ နစ် (ည) တို့ဖြစ်ကြသည်။
ဟီးဆီးယဒ်၏ ကမ္ဘာဦးနတ်မျိုးနွယ်များ
[ပြင်ဆင်ရန်]ဟီးဆီးယဒ်၏ သီယိုဂန်နီကဗျာသည် ဘီစီ (၇၀၀) ဝန်းကျင်ခန့်ကဖြစ်ပြီး ယင်း၌ ပထမဆုံးနတ်မျိုးဆက်များကို ဖော်ပြထားသည်။
ပထမဆုံးအနေဖြင့် လေးမျိုးကို ပြသထားရာ ၎င်းတို့မှာ :
- ခေးယော့စ်
- ကမ္ဘာမြေ
- တားတာရပ်စ်
- အဲရော့စ် တို့ဖြစ်ကြသည်။[၁]
ထို့နောက် ဆက်လက်ပြဆိုသည်မှာ
- အဲရာဘာ့စ် ခေါ် အမှောင်ထု နှင့် ည ခေါ် နစ် (ခေးယော့စ်မှ မွေးဖွား)
- အီးသာ ခေါ် အလင်း နှင့် ဟဲမရာ ခေါ် နေ့ (ညနှင့် အမှောင်ထုတို့မှ မွေးဖွား)
- ယူရေးနပ်စ် ခေါ် ကောင်းကင် နှင့် ပွန်းတပ်စ် ခေါ် သမုဒ္ဒရာ (ကမ္ဘာမြေမှ မွေးဖွား) တို့ဖြစ်ကြသည်။
အခြားသော ရင်းမြစ်စာပေများတွင် ဤကမ္ဘာဦးနတ်များနှင့်ပတ်သက်၍ မတူညီသော ပုံစံ၊ အမည်နာမများဖြင့် ဖော်ပြမှုရှိသည်။
ခေးယော့စ်
[ပြင်ဆင်ရန်]ဂရိဒဏ္ဍာရီ၌ ဟီးဆီးယဒ်၏ ဖန်တီးခြင်းဒဏ္ဍာရီမူအချို့တွင် ခေးယော့စ်ကို ပထမဆုံးတည်ရှိခဲ့သော ပုဂ္ဂိုလ်တစ်ဦးအဖြစ် ဖော်ပြသည်။ ထို့ကြောင့် ခေးယော့စ်ကို နတ်ဘုရားတစ်ပါးအဖြစ် နားလည်နိုင်သကဲ့သို့ ကောင်းကင်ဘုံ (heaven) နှင့် ကမ္ဘာမြေကြားရှိ အရာတစ်ခုအနေဖြင့်လည်း အခြားသော ရင်းမြစ်များအရ ထိုသို့ နားလည်နိုင်ပေသည်။[၂] အချို့ရင်းမြစ်များက ခေးယော့စ်ကို အဲရော့စ်၊ နစ်တို့နှင့်အတူ စတင်ဖြစ်ခဲ့သောသူ ဟု ဖော်ပြကာ[၂] အခြားသောရင်းမြစ်များကမူ ခေးယော့စ်သည် စကြဝဠာ၌ ပထမဆုံး၊ တစ်ခုတည်းသော အရာဟုလည်း ရေးသားကြသည်။
ဂိုင်ယာ
[ပြင်ဆင်ရန်]သီယိုဂန်နီအရ ဂိုင်ယာသည် ခေးယော့စ်မှ ဖြစ်ပေါ်ဖွဲ့စည်းသွားသော ပထမဆုံးအရာများထဲက တစ်ခုဖြစ်သည်။ မေထုန်မှုမပြုဘဲ ကောင်းကင်၊ တောင်တန်း၊ ပင်လယ်များကို မွေးဖွားခဲ့သည်။ ကောင်းကင်သည် နောက်ပိုင်းတွင် ဂိုင်ယာ၏ ယောက်ျားဖြစ်လာခဲ့လေသည်။[၃]
နစ်
[ပြင်ဆင်ရန်]နစ် (အသံထွက် /နစ်ခ်စ်/) သည် "ည" ဖြစ်၍ မွိုင်ရိုင်း ခေါ် ကံကြမ္မာ ၏ မိခင်ဖြစ်၏ ။ အခြားသော သားသမီးများစွာလည်း ရှိသည်။ သီယိုဂန်နီကဗျာ၌ နစ်ကို အနက်ရောင်တောင်ပံဖြင့်ဟုဆိုကာ ပုံပြင်တစ်ပုဒ်၌ သူမသည် အဲရာဘာ့စ်တွင် ဥတစ်လုံးဥ၍ ထိုမှတဆင့် အဲရော့စ်ခေါ် ချစ်ခြင်းဖြစ်ပေါ်လာခဲ့သည်။[၄]
အဲရော့စ်
[ပြင်ဆင်ရန်]အဲရော့စ် သည် ဂရိဒဏ္ဍာရီ၌ အချစ်နတ်ဘုရားဖြစ်၏ ။ ဟီးဆီးယဒ်မူအရ အဲရော့သ်သည် နတ်ဘုရားအားလုံးတွင် အချောမောဆုံးဖြစ်ပြီး နတ်ဘုရာူများ၊ လူသားများ၏ စိတ်နှင့် အတွေးများကို အောင်နိုင်၏ ဟုဆိုထားသည်။[၅]
တားတာရပ်စ်
[ပြင်ဆင်ရန်]ဟီးဆီးယဒ်က တားတားရပ်စ်ကို ကမ္ဘာဦးနတ်ဘုရားတစ်ပ့အဖြစ်သော်လည်း အဝီစိကဲ့သို့ တွင်းနက်ကြီးအဖြစ်သော်လည်းကောင်း ဖော်ပြခဲ့သည်။ တားတာရပ်စ်သည် တိုက်တန်များကို ချုပ်နှောင်ခဲ့သည့်နေရာဖြစ်၍ ထောင်အဖြစ်လည်း ယူဆနိုင်သည်။ သို့သော် နေ့၊ ည၊ အိပ်စက်ခြင်း၊ သေခြင်း တို့နေထိုင်ရာအဖြစ်လည်း ယူဆကြ၏ ။ မြေအောက်ကမ္ဘာ၏ အလွန်နက်သော၊ ဝေးကွာသောနေရာအဖြစ်လည်း စဉ်းစားနိုင်ပေသည်။ ဟီးဆီးယဒ်ကပင် တိုက်တန်များထိုနေရာသို့ ကျရောက်ရန် ဆယ်ရက်ကြာမြင့်သည်ဟု ဖော်ပြခဲ့၏ ။[၆]
ကိုးကား
[ပြင်ဆင်ရန်]- ↑ The Theogony of Hesiod။ 2016-01-21 တွင် ပြန်စစ်ပြီး။
- ↑ ၂.၀ ၂.၁ Bussanich, John (July 1983). "A Theoretical Interpretation of Hesiod's Chaos". Classical Philology 78 (3): 212–219. doi:.
- ↑ Gotshalk၊ Richard (2000)။ Homer and Hesiod, Myth and Philosophy။ Lanham, Maryland: University Press of America။ p. 196။
- ↑ Dietrich, B.C. (1997). "Aspects of Myth and Religion". Classical Association of South Africa 20: 59–71.
- ↑ Van Kooten၊ George (2005)။ Creation of Heaven and Earth။ Brill။ pp. 77–89။
- ↑ Johnson, David (Spring-Summer 1999). "Hesiod's Description of Tartarus ("Theogony" 721-819)". Phoenix 53 (1/2): 8–28. doi:.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
