La palabra ouniberso (de l lhatin universus, "todo anteiro", cumpuosto de unus i versus) ten bárias anterpretaçones, podendo ser dezido cumo "la totalidade de las cousas oubjeto de un studo que se bai fazer ou de un tema de que se bai a tratar". Antoce, la palabra puode ser tenido cumo la "Totalidade de las cousas". Na lhenguaige de l die a die poderímos dezir "Ouniberso de la Política", "Ouniberso de ls Jogos", "Ouniberso de las Mulhieres"... Esso son particularizaçones de la palabra. Se quejirmos chamar la totalidade de l todo físico i rial, la defeniçon aplicada tenerá carátele cosmológico.

L Big Bang, ou, grande spanson, tamien coincido cumo modelo de grande stouro térmico, parte de l percípio de Friedmann, segundo l qual anquanto l Ouniberso se alharga, la radiaçon cuntenida i la matéria sfria. Para antender la teorie de l Big Bang, debe-se an purmeiro lhugar antender l alhargamiento de l Ouniberso, dun punto A para un punto B; assi, podemos, zde agora, andar al para trás ne l spácio, antoce ne l tiempo, até al Big Bang.

Sabe-se que la matéria purmordial - muitos acraditan que ye l hidrogénio - al ajuntar-se grabitacionalmente dou ourige a las purmeiras galáxias, adonde aparecírun mais tarde streilhas i planetas, nun porcesso de spanson que inda se stá a dar, zde hai arrimado a 13,7 bilhones de anhos.

Nesta altura, ye inda ampossible garantir que l Ouniberso cuntinará a alhargar-se anfenitamente, lhebando a la zagregaçon de toda la matéria i a la sue muorte, ou se por acauso essa spanson abrandará i se ampeçará un porcesso de cundensaçon. Esta redadeira heipótese, que manten la possiblidade de se dar un fenómeno cuntrairo al Big Bang, l Big Crunch, lhieba a la cunclusion de que este Ouniberso poderá ser solo ua parte çtinta dun conjunto maior, a que outros 'Big Bangs' i 'Big Crunches' le dórun ourige. L filósofo alman Friedrich Nietzsche aperpuso la heipótese, na sue teorie de l Eiterno retorno, de que l Ouniberso i todos ls acuntecimientos que cuntén se repíten ou repetiran eiternamente de la mesma maneira.

• Bóbeda celhestre
• Acelaradores de partículas
• Aglomerado de streilhas
• Aglomerado de streilhas abierto
• Análese spetrográfica
• Big Splash
• Buraco branco
• Buraco negro
• Rabos cometários
• Ciclo Solar
• Cinturon de Kuiper
• Cometa
• Cosmogonie
• Cosmologie
• Eiclíptica
• Spácio-tiempo
• Sfera celhestre
• Sfera armilar
• Streilha de neutrones
• Spanson de l ouniberso
• Galáxia
• Lei de Hubble-Homason
• Teorie de la Relatebidade
• Grandura de l ouniberso
• Ouniberso ouserbable

• Ouniberso, Cosmologie
• Astronomie i Astrofísica - UFRGS
• Ouniberso
• Teories corrientes subre l Big Bang
• Modelo de Ouniberso Arquibado an 2009-01-29 ne l Wayback Machine.