Metafísica (de l griego μετα [meta] = depuis de/para alhá de i Φυσις [physis] = naturaleza ó físico) ye un ramo de la filosofie que studa la eisséncia de l mundo. A saber, ye l studo de l ser ó de la rialidade. Acupa-se an percurar respunder preguntas cumo: L que ye rial (bei rialidade)? L que ye natural (bei naturalismo)? L que ye subre-natural (bei milagre)? L ramo central de la metafísica ye la ountologie, que ambestiga an quales catadories las cousas stan ne l mundo i quales las relaçones dessas cousas antre si. La metafísica tamien tenta sclarecer las noçones de cumo las pessonas antenden l mundo, ancluindo la eisisténcia i la naturaleza de l relacionamiento antre oubjetos i sues propiedades, spácio, tiempo, causalidade, i possiblidade.

L sentido de la palabra metafísica debe-se a Aristóteles i la Andrónico de Rodes.

Aristóteles nunca outelizou esta palabra, mas screbiu subre temas relacionados a la physis i subre temas relacionados a la ética i a la política, antre outros semelhantes. Andrónico, al ourganizar ls scritos de Aristóteles, l fizo de forma que, spacialmente, aqueilhes que tratában de temas relacionados a la physis benissen antes de l outros. Assi, eilhes benien para alhá de la física (Meta = depuis, para alhá; Physis = física). Neste sentido, la metafísica ye algo antocable, que solo eisiste ne l mundo de las eideias.

Assi, cunscientemente ó nó, Andrónico ourganizou ls scritos de forma análoga a la classeficaçon de l dous temas. Ética, política, etc., son assuntos que nun tratan de seres físicos, mas de seres nó-físicos eisistentes inda que téngan de la sue eimaterialidade.

An resume, la Metafísica trata de porblemas subre l perpósito i la ourige de la eisisténcia i de l seres. Speculaçon alredror de l purmeiros percípios i de las causas purmeiras de l ser. Muitas bezes eilha ye bista cumo parte de la Filosofie, outras, cunfunde-se culha .

• Grandeza i Miséria de la Metafísica - Jacques Maritain^{[lhigaçon einatiba]}

Modelo:Rabisco-filosofie