Opossum sufi ta' Derby
Stat ta' konservazzjoni
Riskju minimu  (IUCN 3.1)
Klassifikazzjoni xjentifika
Phylum	Chordata
Klassi	Mammalia
Ordni	Didelphimorphia
Familja	Didelphidae
Ġeneru	Caluromys
speċi	Caluromys derbianus Waterhouse, 1841
Distribuzzjoni ġeografika

L-opossum sufi ta' Derby, magħruf xjentifikament bħala Caluromys derbianus, huwa mammiferu marsupjal tal-familja Didelphidae (didelfidu), fl-ordni Didelphimorphia (didelfimorfju), nattiv tal-kontinenti Amerikani b'firxa min-Nofsinhar tal-Messiku sat-Tramuntana tal-Ekwador.

Dan l-opossum sufi ġeneralment jippreferi jgħix f'abitat ta' foresti primarji (għalkemm jisab ukoll f'dawk sekondarji), kemm dawk dejjem ħodor kif ukoll dawk li jwaqqgħu l-weraq u mal-firxa vasta li għandu, huwa jinsab fi stat kemm minn dak ta' lokalment komuni, sa dak ta' mhux komuni f'inħawi oħra.

Bħal kull membru tal-ġeneru Caluromys, l-opossum sufi ta' Derby huwa annimal strettament siġri (jgħix fis-siġar), għandu il-kwozjent tal-enċefalizazzjoni (il-massa ċelebrali mmqabla fi proporzjon mal-massa tal-ġisem) ta' rata aktar għolja minn dik tal-opossumi l-oħrajn, botna iżgħar u denb twil u tqil ħafna f'aktar minn nofs it-tul kollu tiegħu.

L-opossum sufi ta' Derby huwa annimal omnivoru u d-dieta tiegħu tikkonsisti minn frott, żrieragħ, weraq, ħxejjex rotob, insetti, annimali invertebrati żgħar u possibilment annimali mejta jew fi stat ta' dekompożizzjoni wkoll.

Dan l-opossum għandu distribuzzjoni ma' bosta pajjiżi fin-Nofsinhar tal-kontinent tal-Amerika ta' Fuq, fl-Amerika Ċentrali u fit-Tramuntana tal-kontinent tal-Amerika t'Isfel u jinsab fil-Beliże, l-Ekwador, il-Gwatemala, il-Ħonduras, il-Kolombja, il-Kosta Rika, il-Messiku, in-Nikaragwa u l-Panama.

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Caluromyinae
        • Ġeneru Caluromys
          • Sottoġeneru Mallodelphys
            • Opossum sufi ta' Derby, Caluromys derbianus
              • Sottospeċi
                • Caluromys derbianus aztecus (Thomas, 1913)
                • Caluromys derbianus centralis (Hollister, 1914)
                • Caluromys derbianus derbianus (Waterhouse, 1841)
                • Caluromys derbianus fervidus (Thomas, 1913)
                • Caluromys derbianus nauticus (Thomas, 1913)
                • Caluromys derbianus pallidus (Thomas, 1899)

• Wilson, D. E.; Reeder, D. M. Mammal Species of the World (bl-Ingliż) (3 ed.). Johns Hopkins University Press. ISBN 0-8018-8221-4.
• Eisenberg, John F.; Redford, Kent H. (2000). Mammals of Neotropics: Ecuador, Bolivia and Brazil (bl-Ingliż).
• "Caluromys derbianus" (bl-Ingliż). Lista Ħamra ta' Speċi Mhedda tal-IUCN 2006.

• Id-Databażi Palebijoloġika
• Tassonomija tal-Mammiferi