Hatı Çırpan
| Hatı Çırpan | |||
|---|---|---|---|
 | |||
| |||
| Ħajja | |||
| Twelid | Ankara, 1890 | ||
| Nazzjonalità | Turkija | ||
| L-ewwel lingwa | Tork | ||
| Mewt | Ankara, 21 Marzu 1956 | ||
| Post tad-dfin |
Kahramankazan (en)  | ||
| Edukazzjoni | |||
| Lingwi | Tork | ||
| Okkupazzjoni | |||
| Okkupazzjoni |
politiku attivist għad-drittijet umani | ||
| Psewdonomu | Satıkadın | ||
Hatı Çırpan (li qabel kienet magħrufa bħala Satı Kadın, twieldet fl-1890 – mietet fil-21 ta’ Marzu 1956) kienet politiku Tork, waħda mill-ewwel membri nisa tal-parlament fil-Gran Assemblea Nazzjonali tat-Turkija, eletta fl-elezzjonijiet ġenerali tal-1935.
Bijografija
[immodifika | immodifika s-sors]
Fis-16 ta’ Lulju 1934[1], eżatt qabel il-Kungress tat-Tieni Lingwa (İkinci Türk Dil Kurultayı, li sar bejn it-18 u t-23 ta’ Awwissu 1934), il-President Mustafa Kemal Atatürk mar fuq mawra lejn il-villaġġ ta’ Kazan (li dak iż-żmien kien jagħmel parti mid-distrett ta’ Kızılcahamam tal-Provinċja ta’ Ankara)[2][3], 50 kilometru ’l bogħod mill-belt kapitali Ankara.[4] Matul din il-mawra, Satı Kadın, li kienet il-kap tal-villaġġ ta’ Kazan, ġiet introdotta lill-President Atatürk. Hija kienet raħħala mill-Anatolja Ċentrali li kienet iġġieldet għal erba’ snin matul il-Gwerra tal-Indipendenza tat-Turkija.[5] Wara konverżazzjoni flimkien, ġie rrappurtat li Satı Kadın ħalliet impressjoni tajba fuq il-President Atatürk bis-saħħa tal-kisbiet u tal-intelliġenza tagħha.[2][3][4]
.jpg)
Skont Afet İnan, il-President Atatürk, wara li ltaqa’ magħha stqarr: “Din hija mara eċċezzjonali li għandha futur bħala membru tal-parlament”.[6] Fl-1935, Satı Kadın ġiet sponsorjata u appoġġata fil-kampanja elettorali tagħha mill-President Atatürk innifsu u ġiet eletta flimkien ma’ sbatax-il mara oħra bħala membru parlamentari.[5] Iktar ’il quddiem, bidlet isimha minn Satı għal Hatı fuq il-parir tal-President Atatürk, li dak iż-żmien kien interessat fiċ-ċivilizzazzjoni tal-Ħattjani, u peress li l-isem Satı kien ifisser “bejgħ” jew “xiri” bit-Tork.[4] Hija adottat il-kunjom Çırpan wara li l-Liġi tal-1934 dwar il-Kunjomijiet kienet tesiġi li ċ-ċittadini Torok kollha jkollhom kumjom.
Referenzi
[immodifika | immodifika s-sors]- ^ "A. Turan Alkan, "Bu cennet yurt köşesinde mutlusunuz Kızılcahamamlılar!" Zaman". web.archive.org. Arkivjat mill-oriġinal fl-2012-03-14. Miġbur 2021-05-12.Manutenzjoni CS1: BOT: url-oriġinali status mhux magħruf (link)
- ^ a b A. Afetinan, Tarih'ten bugün'e, Türk Tarih Kurumu Basımevi, 1970, p. 164.
- ^ a b A. Afetinan, Cumhuriyetʼin Ellinci yılı için Köylerimiz, Türk Tarih Kurumu Basımevi, 1978, p. 8.
- ^ a b ċ Emin Karakuş, 40 yıllık bir gazeteci gözü ile İşte Ankara, Hür Yayın ve Ticaret, 1977, p. 22.
- ^ a b The Turkish Woman (1919-1923), Basın Yayın Genel Müdürlüğü, p. 36.
- ^ İşte mebus olacak kadın., A. Afetinan, Kemal Atatürk'ü Anarken, Güzel Sanatlar Matbaası, 1956, p. 67.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
