CONMEBOL

Membri tal-CONMEBOL huma kkuluriti ħodor
Formazzjoni	9 ta' Lulju 1916
Tip	Organizzazzjoni sportiva
Kwartieri ġenerali	Luque, Paragwaj
Sħubija	10 assoċjazzjoni nazzjonali
Segretarju Ġenerali	Eduardo de Luca
President	Nicolás Leoz
Sit elettroniku	www.conmebol.com

Il-Konfederazzjoni tal-Futbol Sud-Amerikan (bl-Ingliż: South American Football Confederation; bil-Franċiż: Confederación Sudamericana de Fútbol) magħrufha aħjar bħala l-CONMEBOL, hi l-amministrazzjoni li tikkontrolla l-futbol ġewwa l-Amerika t'Isfel. Ġeneralment kważi kull tim f'din il-federazzjoni kellu żmien fejn iddomina permezz tal-plejers tiegħu, imma l-Arġentina, l-Brażil u l-Urugwaj huma tradizzjonalment l-aqwa timijiet f'dan il-kontinent, bil-Paragwaj u l-Perù li bdew jiddominaw ix-xena wkoll. It-timijiet tal-CONMEBOL kellhom ħafna suċċessi fit-Tazza tad-Dinja. Bl-erba' postijiet allokati għalihom fit-Tazza tad-Dinja minn 32 huma rnexxielhom jirbħu aktar min-nofs l-edizzjonijiet ta' din il-kompetizzjoni u għal ħafna snin, tnejn mill-ewwel ħamsa tal-klassifika tal-FIFA huma membri tal-CONMEBOL.

Din il-federazzjoni bdiet fid-9 ta' Lulju 1916, grazzi għall-Urugwajan Héctor Rivadavia Gómez li kien qed iqajjem il-punt għall-bżonn ta' għaqda fil-futbol madwar il-kontinent. L-Arġentina, l-Urugwaj, il-Brażil u ċ-Ċili kienu l-fundaturi. Il-konfederazzjoni kienet fundata waqt li kien qed isir kampjonat tal-futbol Sud-Amerikan ġewwa Buenos Aires bħala parti miċ-ċentinarju tal-Indipendenza tal-Arġentina. Dan il-kampjonat huwa magħruf bħala l-ewwel edizzjoni tal-Copa América.

Il-Paragwaj (1921), il-Perù (1925), il-Bolivja (1926), l-Ekwador (1927), il-Kolombja (1936) u l-Veneżwela (1952) daħlu membri. Illum, il-CONMEBOL tagħmel parti mill-FIFA u tieħu ħsieb tal-attivitajiet kollha tal-futbol li jsiru f'dawn il-pajjiżi membri. Il-kwartieri ġenerali huma f'Luque fil-Paragwaj. Il-president tal-Kumitat Eżekuttiv hu Nicolás Leoz.

Minkejja li l-Gujana, Surinam u l-Gujana Franċiża huma fl-Amerika t'Isfel dawn ma jagħmlux parti tal-CONMEBOL - għal raġunijiet storiċi, kulturali u prinċipalment sportivi l-assoċjazzjonijiet nazzjonali tagħhom jagħmlu parti mill-CONCACAF. Fost il-kompetizzjonijiet tal-CONMEBOL insibu il-Copa Libertadores de América (bħaċ-Champions League tal-Ewropa) u l-Copa Sudamericana (bħall-UEFA Cup tal-Ewropa) li t-tnejn huma għall-klabbs waqt li Copa América għat-timijiet nazzjonali tal-irġiel.

• Héctor Rivadavia Gómez (1916–1936)
• Luis O. Salesi (1936–1939)
• Luis A. Valenzuela (1939–1955)
• Carlos Dittborn Pinto (1955–1957)
• José Ramos de Freitas (1957–1959)
• Fermín Sorhueta (1959–1961)
• Raúl H. Colombo (1961–1966)
• Teófilo Salinas Fuller (1966–1986)
• Nicolás Leoz (1986– )

•  Arġentina (wieħed mill-fundaturi tal-CONMEBOL fl-1916)
•  Bolivja (ingħaqdet mal-CONMEBOL fl-1926)
•  Brażil (wieħed mill-fundaturi tal-CONMEBOL fl-1916)
•  Ċili (wieħed mill-fundaturi tal-CONMEBOL fl-1916)
•  Ekwador (ingħaqad mal-CONMEBOL fl-1927)
•  Kolombja (ingħaqdet mal-CONMEBOL fl-1936)
•  Paragwaj (ingħaqad mal-CONMEBOL fl-1921)
•  Perù (ingħaqad mal-CONMEBOL fl-1925)
•  Urugwaj (wieħed mill-fundaturi tal-CONMEBOL fl-1916)
•  Veneżwela (ingħaqdet mal-CONMEBOL fl-1952)

L-uniku pajjiż li għadu qatt ma kkwalifika f'din il-kompetizzjoni minn din il-federazzjoni hi l-Veneżwela. Dan il-pajjiż hu meqjus bħala l-inqas tim kompetittiv fl-assoċjazzjoni, minkejja li f'dawn l-aħħar snin kiber ħafna.

• Sit uffiċjali

a • d • m Futbol internazzjonali
FIFA · Tazza tad-Dinja · Tazza tal-Konfederazzjonijiet · Tazza tad-Dinja -20 · Tazza tad-Dinja -17 · Olimpjadi · Klassifika tal-FIFA · Plejer tas-Sena · Timijiet · Kodiċi
Asja	AFC – Tazza Ażjatika
Afrika	CAF – Tazza tan-Nazzjonijiet Afrikani
Amerika ta' Fuq	CONCACAF – Gold Cup
Amerika t'Isfel	CONMEBOL – Copa América
Oċeanja	OFC – Tazza tan-Nazzjonijiet
Ewropa	UEFA – Kampjonati Ewropej
Non-FIFA	NF-Board – Tazza tad-Dinja VIVA