Женова
Женова хот / Женова суурин
ита. Genova / Comune di Genova | |||||
 | |||||
| |||||
  Женова |
|||||
| Солбицол: | |||||
|---|---|---|---|---|---|
| Улс |  Итали
| ||||
| Муж (regione) |  Лигури
| ||||
| Аймаг (provincia) | Женова | ||||
| Суурин (commune) | Женова | ||||
| Засаглал | |||||
| - Хотын захирагч | Марко Дориа | ||||
| Газар нутаг | |||||
| - Нийт | 243.60 км² | ||||
| Өндөр | 20 м | ||||
| Хүн ам | |||||
| - Нийт (2011) | 608,154[1] | ||||
| - Нягтрал | 2,500/км² | ||||
| Цагийн бүс | UTC+1 | ||||
| - Зун | UTC+2 | ||||
| Цахим сүлжээ: www.comune.genova.it | |||||
Женова ( италиар Genova гэж бичээд ; лиг. Zena [ˈzeːna]; Латин: Genua, Ianua; Англи: Genoa;) — Итали улсын 6-р том хот.
Женова нь "Хойд Италийн гурвалжин" (Милан-Турин-Женова) гэж алдаршсан Италийн хамгийн ихээр аж үйлдвэржсэн нутгийн урд өнцөг, Итали улсын хамгийн их ачаалалтай далайн боомт хот юм. Урдуураа Газар дундын тэнгисийн эх газарт тулсан хэсэг болох Лигурийн тэнгисээр хүрээлэгдэх бөгөөд Апеннины нурууны өврөөр эргийн дагуу 30 км урт сунайн тогтсон байрлалтай.
Женова хот нь Италийн засаг захиргаа-нутаг дэвсгэрийн хуваарь ёсоор Лигури мужийн Женова аймгийн Женова суурин (commune) гэж зүйлчлэгдэнэ. Улсын 3-р түвшний 8,100 нэгжийн нэг болох 43.6 км² нутагтай Женова сууринд 2011 оны байдлаар 608,154 хүн оршин сууж байна.[2] Гарцаагүй Женова хот буюу энэхүү "Женова" нэрт сууринтай бөөрөөрөө нийлсэн өөр өөр нэртэй хэдэн суурин бий. Нийлүүлж тооцоход 800,709 хүн Женова хотын бөөгнөрөлд аж төрөн суудаг аж.[3]
Женова хотод төмөрлөг, хөлөг онгоц үйлдвэрлэл давамгай хөгжсөн. Европын 2-р том аквариум (цөөрмөг) болон дундад зууны үеэс өдийг хүрсэн уран баримал, уран зургаараа Женова хот алдартай. Өмнөх мянган жилд далайн томоохон боомт, банк, зах зээлийн газар, хүчирхэг тэнгисийн флоттой бүгд найрамдах улсыг цогцлоож байсан түүхтэй. Женовад төрсөн алдартнаас нэрлэвэл далайчин Христофер Колумб, Италийн эх оронч Жузеппе Маззини нар лав байна. 1860 онд Жузеппе Гарибальди Женовагаас 1000 цэрэгтэй далайд гарч Сицили аралд газардаад Хоёр Сицилийн Хант Улсыг буулган авснаар Нэгдсэн Итали Улс үүссэн.
Лавлах холбоос
[засварлах | кодоор засварлах]- ↑ Total population referred to to the comune (or municipality), rather than the extended urban area. Notiziario statistico del Comune di Genova – Andamento della popolazione al 31 dicembre 2009 (Statistical report of Genoa Municipality at december 31, 2009)
- ↑ Нийт хүн амыг хотын бус харин аймгийн хэмжээнд авч үзэж тооцдог. Notiziario statistico del Comune di Genova – Andamento della popolazione al 31 dicembre 2009 (Женова хотын захиргааны статистикийн тайлан, 2009.12.31) (Memento 11. Нэгдүгээр сар 2012 цахим архивт)
- ↑ Италийн хотжилтын талаар Urbanismi in Italia, 2011
Text is available under the CC BY-SA 4.0 license; additional terms may apply.
Images, videos and audio are available under their respective licenses.
