ഇംഗ്ലീഷ് വിലാസം

https://ml.wikipedia.org/wiki/Kalpetta

കൽപറ്റ
കൽപറ്റ
11°36′18″N 76°04′59″E / 11.605°N 76.083°E / 11.605; 76.083
ഭൂമിശാസ്ത്ര പ്രാധാന്യം	നഗരം
രാജ്യം	ഇന്ത്യ
സംസ്ഥാനം	കേരളം
ജില്ല	വയനാട്
ഭരണസ്ഥാപനം(ങ്ങൾ)	നഗരസഭ
ചെയർമാൻ
'
'
വിസ്തീർണ്ണം	ചതുരശ്ര കിലോമീറ്റർ
ജനസംഖ്യ
ജനസാന്ദ്രത	/ച.കി.മീ
കോഡുകൾ   • തപാൽ   • ടെലിഫോൺ	+
സമയമേഖല	UTC +5:30
പ്രധാന ആകർഷണങ്ങൾ

കേരളത്തിലെ വയനാട് ജില്ലയുടെ ആസ്ഥാനമാണ് കൽ‌പറ്റ. കാപ്പിത്തോട്ടങ്ങളും തേയിലത്തോട്ടങ്ങളും മലകളും കൊണ്ട് ചുറ്റപ്പെട്ട ഒരു മനോഹരമായ പട്ടണമാണ് കല്പറ്റ. 1957-ൽ വയനാടിന്റെ വടക്കുഭാഗം കണ്ണൂർ ജില്ലയിലും തെക്കുഭാഗം കോഴിക്കോട് ജില്ലയിലുമായിരുന്നു ഉൾപ്പെടുത്തിയിരുന്നത്. 1978 ഡിസംബർ 7-ന് ഇരു വയനാടുകളും ചേർത്തു കൽപ്പറ്റ ആസ്ഥാനമാക്കി വയനാട് റവന്യൂ ഡിവിഷൻ രൂപവത്കരിച്ചു. 2015 വരെ വയനാട്ടിലെ ഒരേയൊരു മുനിസിപ്പൽ പട്ടണമായിരുന്നു കൽപ്പറ്റ. ^[1] വയനാട് ജില്ലയിലെ എല്ലാ വിനോദസഞ്ചാര ആകർഷണങ്ങളിലേക്കും ഉള്ള ഒരു പ്രവേശന കവാടമാണ് കൽപ്പറ്റ (11°36′42.78″N 76°4′59.67″E / 11.6118833°N 76.0832417°E / 11.6118833; 76.0832417).

വിനോദസഞ്ചാരികൾക്ക് താമസ സൗകര്യങ്ങൾ ഇവിടെ ലഭ്യമാണ്. കോഴിക്കോട്-മൈസൂർ ദേശീയപാതയായ ദേശീയപാത 212 കൽപ്പറ്റയിലൂടെ കടന്നുപോവുന്നു. കടൽനിരപ്പിൽ നിന്ന് 1000 മീറ്റർ ഉയരത്തിലാണ് കൽ‌പറ്റ സ്ഥിതിചെയ്യുന്നത്.

കൽ‌പറ്റ പണ്ട് ഒരു ജൈനമതശക്തികേന്ദ്രമായിരുന്നു. കൽ‌പറ്റ പട്ടണത്തിനടുത്ത് കേരളത്തിലെ തന്നെ പുരാതനമായ ഏതാനും ജൈനക്ഷേത്രങ്ങളുണ്ട്. പുരാതനമായ അനന്തനാഥ സ്വാമി ജൈന ക്ഷേത്രം ഇവിടെയാണ്.^[2]

കൽ‌പറ്റയ്ക്ക് അടുത്തുള്ള മറ്റു പ്രധാന ആരാധനാലയങ്ങളും അവയുടെ കൽ‌പറ്റയിൽ നിന്നുള്ള ദൂരവും താഴെ കൊടുത്തിരിക്കുന്നു.^[3]

• വാരാമ്പറ്റ മോസ്ക് - 15 കി.മീ. അകലെ - 300 വർഷം പഴക്കമുള്ള ഈ മോസ്ക് വയനാട്ടിലെ ഏറ്റവും പഴക്കമുള്ള മോസ്ക്കാണ്.

• കണ്ണാടി ക്ഷേത്രം - 20 കി.മീ. അകലെ - ജൈനനായ പാർശ്വനാഥ സ്വാമിക്കായി സമർപ്പിച്ചിരിക്കുന്ന ഈ ക്ഷേത്രം ഇവിടത്തെ ആയിരക്കണക്കിന് വിഗ്രഹങ്ങളെ പ്രതിഫലിപ്പിക്കുന്ന കണ്ണാ‍ടികൾക്ക് പ്രശസ്തമാണ്.

• പള്ളിക്കുന്ന് പള്ളി, എല്ലാവർഷവും ജനുവരിയിൽ നടത്തുന്ന പള്ളിപ്പെരുന്നാളിനു പ്രശസ്തമാണ് - 14 കി.മീ അകലെ

• ജൈനതീർത്ഥങ്കരൻ ആയിരുന്ന അനന്തനാഥ സ്വാമിക്കു വേണ്ടി സമർപ്പിച്ചിരുന്ന പുലിയർമല ജൈനക്ഷേത്രം 5 കി.മീ അകലെയാണ്.

കൽ‌പറ്റയ്ക്ക് അടുത്തായി പല വിനോദസ്ഞ്ചാര ആകർഷണങ്ങളും ഉണ്ട്. ചിലത് താഴെ കൊടുത്തിരിക്കുന്നു^{[4] [5]}

• ഇടക്കൽ ഗുഹ - 15 കി.മീ അകലെ
• പൂക്കോട് തടാകം - 10 കി.മീ തെക്കായി
• മീൻ‌മുട്ടി വെള്ളച്ചാട്ടം - 25 കി.മീ അകലെ - വെള്ളച്ചാട്ടത്തിലെത്താൻ കാട്ടിനുള്ളിലൂടെ 2 കിലോമീറ്റർ നടക്കണം
• ബാണാസുര സാഗർ അണക്കെട്ട് - 24 കിലോമീറ്റർ അകലെ - ഇന്ത്യയിലെ മണ്ണുകൊണ്ട് കെട്ടിയ ഏറ്റവും വലിയ അണക്കെട്ടാണ് ഇത്.
• ചീതാലയം വെള്ളച്ചാട്ടം - 37 കി.മീ അകലെ - ഈ ചെറിയ വെള്ളച്ചാട്ടത്തിനു ചുറ്റും പക്ഷിനിരീക്ഷണത്തിന് യോജിച്ച സ്ഥലമാണ്.
• ചെമ്പ്ര കൊടുമുടി - 17 കി.മീ - 2100 മീറ്റർ ഉയരമുള്ള ഈ കൊടുമുടി ഈ പ്രദേശത്തെ ഏറ്റവും ഉയരമുളള കൊടുമുടിയാണ്
• ബ്രഹ്മഗിരി - 1608 മീറ്റർ ഉയരമുള്ള കൊടുമുടി

പ്രധാന പട്ടണങ്ങളിൽ നിന്ന് കൽപ്പറ്റയിലേക്കുള്ള ദൂരം താഴെ കൊടുത്തിരിക്കുന്നു.

• കോഴിക്കോട് (74)
• മൈസൂർ (132)
• ഊട്ടി (116)
• മടിക്കേരി (114)
• ബാംഗ്ലൂർ (270)
• കൊച്ചി (270)

• ഏറ്റവും അടുത്തുള്ള റെയിൽ‌വേ സ്റ്റേഷനും വിമാനത്താ‍വളവും - കോഴിക്കോട്

• 
  Jain Temple, Kalpetta

1. ↑ "കൽപ്പറ്റ". ഇന്ത്യ9. Retrieved 2006-10-14.
2. ↑ "അനന്തസ്വാമി ജൈനക്ഷേത്രം - പുലിയാർമല ക്ഷേത്രം". ഇന്ത്യ9.കോം. Retrieved 2006-10-15.
3. ↑ "തീർഥാടന കേന്ദ്രങ്ങൾ". കേരള.കോം. Archived from the original on 2006-10-31. Retrieved 2006-10-15.
4. ↑ "ഇന്ത്യാ ട്രാവൽ ബ്ലോഗ്". പെയിന്റഡ് സ്റ്റോർക്ക്.കോം. Retrieved 2006-10-14.
5. ↑ "വയനാട് ഔട്ട് ഡോർ ട്രെയിൽ". വയനാട്.ഓർഗ്ഗ്. Archived from the original on 2006-10-23. Retrieved 2006-10-14.

Kalpetta എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.

• കൽപറ്റ

കേരളത്തിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.