2024ൽ പുറത്തിറങ്ങിയ മലയാളം സയൻസ് ഫിക്ഷൻ കോമഡി മോക്കുമെന്ററി ചലച്ചിത്രമാണ് ഗഗനാചാരി .^[2] 2040-കളിൽ മൂന്ന് പുരുഷന്മാർ ഒരു നിഗൂഢ അന്യഗ്രഹജീവിയെ കണ്ടുമുട്ടുന്ന സംഭവങ്ങളാണ് ഈ സിനിമ പറയുന്നത്. അനാർക്കലി മരിക്കർ, ഗോകുൽ സുരേഷ്, അജു വർഗീസ്, കെ. ബി. ഗണേഷ് കുമാർ എന്നിവരാണ് ഈ ചലച്ചിത്രത്തിലെ പ്രധാന താരങ്ങൾ. ജനുവരി 28ന് കൊച്ചി പനമ്പിള്ളി നഗർ റോട്ടറി ക്ലബ്ബിൽ 'കേരള പോപ്പ് കോൺ' വഴിയാണ് ചിത്രം ആദ്യംപ്രദർശിപ്പിച്ചത്.^[3] 2024 ജൂൺ 21 ന് പരിമിതമായ തിയേറ്റർ റിലീസുള്ള ഈ ചിത്രത്തിന് പ്രേക്ഷകരിൽ നിന്നും നിരൂപകരിൽ നിന്നും നല്ല പ്രതികരണം ലഭിച്ചു.^{[4][5][6][7][8]}

2043-ലെ കേരളത്തിന്റെ ഒരു ഡിസ്ടോപിയൻ പതിപ്പിൽ സജ്ജീകരിച്ചിരിക്കുന്ന 'ഗഗനാചാരി', മൂന്ന് പ്രശ്നക്കാരായ ബാച്ചിലർമാർ താമസിക്കുന്ന ഒരു അപ്പാർട്ട്മെന്റ് ഒരു അന്യഗ്രഹജീവിയായ ഒളിച്ചോടിയ സ്ത്രീയുടെ അഭയസ്ഥാനമായി മാറുമ്പോൾ സംഭവിക്കുന്ന കുഴപ്പങ്ങൾ ഹാസ്യപരമായി അവതരിപ്പിച്ചിരിക്കുന്നു.

• അലൻ ജോസായായി ഗോകുൽ സുരേഷ്
• വിക്ടർ വാസുദേവനായി കെ. ബി. ഗണേഷ് കുമാർ
• ഏലിയനായി അനാർക്കലി മരിക്കാർ (ശബ്ദം മല്ലിക സുകുമാരൻ)
• വൈഭവ് വിദ്യാനാഥനായി അജു വർഗീസ്

ജനുവരി 28ന് കൊച്ചി പനമ്പിള്ളി നഗർ റോട്ടറി ക്ലബ്ബിൽ 'കേരള പോപ്പ് കോൺ' വഴിയാണ് ചിത്രം പ്രദർശിപ്പിച്ചത്.^[3][9]

2024 ജൂൺ 18ന് പുറത്തിറങ്ങിയ ചിത്രത്തിൻ്റെ ട്രെയിലറിന് മികച്ച പ്രതികരണമാണ് ലഭിച്ചത്.^[10][11][12] 2024 ജൂൺ 21 ന് ചിത്രം ലോകമെമ്പാടും റിലീസ് ചെയ്യും.^[13][14]

ഗഗനാചാരിക്ക് നിരൂപകരിൽ നിന്നും പ്രേക്ഷകരിൽ നിന്നും നല്ല പ്രതികരണമാണ് ലഭിച്ചത്.

തിയേറ്ററുകളിൽ പരിമിതമായ റിലീസ് ഉണ്ടായിരുന്നിട്ടും ചിത്രം ബോക്സ് ഓഫീസിൽ മികച്ച പ്രകടനം കാഴ്ചവച്ചു. ആദ്യ ദിവസം 4 ലക്ഷവും രണ്ടാം ദിവസം 12 ലക്ഷവും കളക്ഷൻ നേടി 2024 ജൂൺ 27 വരെ ചിത്രം ലോകമെമ്പാടും 92 ലക്ഷം കളക്ഷൻ നേടിയിരുന്നു.^[15][16] 2024 ജൂലൈ 3 വരെയുള്ള കണക്കുകൾ പ്രകാരം ചിത്രം 1.5 കോടി രൂപ സമാഹരിച്ചു , 2024 ജൂലൈ 10 വരെയുള്ള കണക്കുകൾ അനുസരിച്ച് ചിത്രം ലോകമെമ്പാടുമായി 2.2 കോടി രൂപ സമാഹരിക്കുകയും ചെയ്തു.^[17][18]

സംവിധായകൻ അരുൺ ചന്ദുവും ഗഗനാചാരിയുടെ പിന്നിലുള്ള സംഘവും സുരേഷ് ഗോപി പ്രധാന വേഷത്തിൽ അഭിനയിക്കുന്ന അവരുടെ അടുത്ത ചിത്രത്തിലൂടെ ഗഗനാചാരി പ്രപഞ്ചം വിപുലീകരിക്കാൻ പദ്ധതിയിടുന്നു.

ഗഗനാചാരി ഇന്റർനെറ്റ് മൂവി ഡാറ്റാബേസിൽ