യു.ആർ. റാവു സാറ്റലൈറ്റ് സെന്റർ
| ഇന്ത്യൻ സ്പേസ് റിസർച്ച് ഓർഗനൈസേഷൻ ഉപഗ്രഹ കേന്ദ്രം | |
| |
| ഏജൻസി അവലോകനം | |
|---|---|
| രൂപപ്പെട്ടത് | 11 മേയ് 1972 |
| അധികാരപരിധി | ബഹിരാകാശ വകുപ്പ്, ഭാരത സർക്കാർ |
| ആസ്ഥാനം | ബാംഗ്ലൂർ, കർണ്ണാടക, |
| വാർഷിക ബജറ്റ് | ISRO ബഡ്ജറ്റ് കാണുക |
| മേധാവി/തലവൻ | ഡോ. പി കുഞ്ഞികൃഷ്ണൻ, ഡയറക്ടർ |
| മാതൃ ഏജൻസി | ISRO |
| വെബ്‌സൈറ്റ് | |
| ISAC home page | |
ഇന്ത്യൻ നിർമ്മിത ഉപഗ്രഹങ്ങളുടെ രൂപകൽപ്പന, വികസനം, ഫാബ്രിക്കേഷൻ, ടെസ്റ്റിംഗ് എന്നിവയ്ക്കായുള്ള ഇസ്രോയുടെ പ്രമുഖ കേന്ദ്രമാണ് ഐഎസ്ആർഒ ഉപഗ്രഹ കേന്ദ്രം (ISAC) (ഇംഗ്ലീഷ്: Indian Space Research Organisation Satellite Centre). 1972 ൽ ബംഗളൂരു പെനയ ഇൻഡസ്ട്രിയൽ എസ്റ്റേറ്റിൽ സ്ഥാപിതമായപ്പോൾ ഇന്ത്യൻ സയന്റിഫിക് സാറ്റലൈറ്റ് പ്രോജക്ട് (ഐഎസ്എസ്പി) എന്നായിരുന്നു അറിയപ്പെട്ടിരുന്നത്. [1] ഇസ്രോയുടെ മുൻചെയർമാനും ISAC ന്റെ മോധാവിയുമായിരുന്ന ഡോ. ഉഡുപ്പി രാമചന്ദ്ര റാവുവിന്റെ സ്മരണാർത്ഥം 2018 ഏപ്രിൽ 2 മുതൽ ഈ കേന്ദ്രത്തിന്റെ പേര് യു.ആർ. റാവു സാറ്റലൈറ്റ് സെന്റർ എന്നാക്കി മാറ്റി.
കർണാടകയിലെ ബാംഗ്ലൂർ വിമാനപുര പോസ്റ്റിൽ സ്ഥിതി ചെയ്യുന്ന ഈ കേന്ദ്രം നൂറിലേറെ ഉപഗ്രഹങ്ങൾ നിർമ്മിച്ചിട്ടുണ്ട്. [2] ഇൻസാറ്റ് പരമ്പര, ഐ.ആർ.എസ് പരമ്പര, ജിസാറ്റ് ആശയവിനിമയ ഉപഗ്രഹങ്ങൾ തുടങ്ങിയവ ഇതിൽ ഉൾപ്പെടും.
ഇലക്ട്രോ-ഒപ്റ്റിക്സ് സിസ്റ്റംസ് (LEOS), ഇസ്രോ സാറ്റലൈറ്റ് ഇന്റഗ്രേഷൻ ആൻഡ് ടെസ്റ്റിംഗ് എസ്റ്റാബ്ലിഷ്മെന്റ് (ISITE) എന്നിവ ISAC ന് കീഴിൽ പ്രവർത്തിയ്ക്കുന്നവയാണ്.
ഡോ. പി കുഞ്ഞികൃഷ്ണനാണ് നിലവിൽ ഐഎസ്ആർഒ സാറ്റലൈറ്റ് സെന്റർ (ISAC)-ന്റെ ഡയറക്ടർ. [3]
മുൻ ഡയറക്ടർമാർ
[തിരുത്തുക]- പ്രൊഫ. ഉടുപ്പി രാമചന്ദ്ര റാവു (1976-1984) സ്ഥാപക ഡയറക്ടറായിരുന്നു. പിന്നീട് ഇന്ത്യൻ സ്പേസ് റിസർച്ച് ഓർഗനൈസേഷന്റെ ചെയർമാൻ പദവും വഹിച്ച ഇദ്ദേഹം അവസാന കാലം വരെ തിരുവനന്തപുരത്തെ ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജിയിൽ ചാൻസലറായിരുന്നു. പദ്മഭൂഷൺ നൽകി രാജ്യം ഇദ്ദേഹത്തെ ആദരിച്ചു.
- കോൾ എൻ പന്ത് (1984-1990), പത്മശ്രീ സ്വീകർത്താവ്
- ഡോ കെ കസ്തൂരിരംഗൻ (1990-1994). പ്രധാന സിവിലിയൻ പുരസ്കാരങ്ങളായ പത്മശ്രീ (1982), പത്മഭൂഷൺ (1992), പത്മ വിഭൂഷൺ (2000) എന്നിവ ലഭിച്ചിട്ടുണ്ട്. [4] പിന്നീട് ഇന്ത്യൻ സ്പേസ് റിസർച്ച് ഓർഗനൈസേഷന്റെ ചെയർമാനായി
- ശ്രീ ആർ അരവിന്ദൻ (1994-1997)
- ഡോ. പി.എസ്. ഗോയൽ (1997-2005), പത്മശ്രീ സ്വീകർത്താവ്
- ഡോ. കെ.എൻ.ശങ്കര , (2005-2008), പത്മശ്രീ സ്വീകർത്താവ്
- ഡോ. ടി.കെ. അലക്സ് (2008-2012), [5] പദ്മശ്രീ സ്വീകർത്താവ്
- ഡോ. എസ്.കെ. ശിവകുമാർ (2012-2015), [6] പത്മശ്രീ ബഹുമതി ലഭിച്ചു
- ഡോ. മൈലൈസ്വാമി അന്നദുരൈ (2015-2018), [7] പത്മശ്രീ സ്വീകർത്താവ്
പുറം കണ്ണികൾ
[തിരുത്തുക]അവലംബം
[തിരുത്തുക]- ↑ "Bangalore's ISRO Satellite Centre turns forty".
- ↑ "ISAC's maiden century".
- ↑ "SDSC-SHAR chief Kunhikrishnan appointed U R Rao Satellite Centre's director". Business Standard. 31 July 2018. Retrieved 31 July 2018.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 November 2014. Retrieved July 21, 2015.
- ↑ "DR T K Alex Appointed as New Director of ISRO Satellite Centre, Bangalore". Archived from the original on 2021-10-19. Retrieved 2019-01-21.
- ↑ "S K Shivakumar takes over as Director of ISRO Satellite Centre, Bangalore". Archived from the original on 2022-08-20. Retrieved 2019-01-21.
- ↑ "M Annadurai takes over as Director of ISRO Satellite Centre, Bangalore". Archived from the original on 2022-08-20. Retrieved 2019-01-21.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
