Црква „Св. Никола“ - Стрезовце
  Свети Никола
| |
| македонска православна црква | |
| Епархија | Кумановско-осоговска |
| Архијерејско намесништво | Кумановско-кратовско |
| Парохија | Младонагоричка |
| Местоположба | |
|---|---|
|
| |
| Координати | 42°08′49″N 21°53′26″E / 42.14694° СГШ; 21.89056° ИГД |
| Место | Стрезовце |
| Општина | Старо Нагоричане |
| Држава | Македонија |
| Општи податоци | |
| Покровител | Свети Никола |
| Завршено | 1606 |
| Архитектонски опис | |
Св. Никола — православна црква во кумановското село Стрезовце, Општина Старо Нагоричане. Му припаѓа на Кумановско-кратовското архијерејско намесништво во Кумановско-осоговската епархија на МПЦ - ОА. Прогласена е за културно наследство на Македонија.[1]
Ова е гробишен храм, сместен во маалото Илиевци, на патот за маалото Велковци. Изграден е и живописан во 1606 г. со помош на презвитер Петар.[2][3] На натписот е спомнат и пеќскиот патријарх Јован Кантул.[3] Градбата претставува трикорабна базилика со трикорабна припрата со спуштен свод со димензии 22 × 10 м и двокатен покрив. На исток завршува со полукружна апсида. Изградена е врз поголеми темели од стара црква. Фрескописот е делумно зачуван и стилски ѝ припаѓа на Линотопската школа.[3] Во 2006 г. е забележано дека бил во лоша состојба.[3][4]
Поврзано
[уреди | уреди извор]Наводи
[уреди | уреди извор]- ↑ Список на заштитени добра. Состојба до 31.12.2012. Скопје: Управа за заштита на културното наследство.
- ↑ Велев, Илија (1990). Преглед на средновековни цркви и манастири во Македонија. Наша Книга. стр. 140.
- ↑ 3,0 3,1 3,2 3,3 Македонска енциклопедија, том II. Скопје: Македонска академија на науките и уметностите. 2009. стр. 1331. ISBN 978-608-203-024-1.
- ↑ „Црквата „Свети Никола" со музејска културно-историска вредност“ (PDF). Македонско Сонце, 629. 21 јули 2006. Архивирано од изворникот (PDF) на 2017-08-29. Посетено на 2 април 2014.
Надворешни врски
[уреди | уреди извор]
Црква „Св. Никола“ - Стрезовце на Ризницата ?
Text is available under the CC BY-SA 4.0 license; additional terms may apply.
Images, videos and audio are available under their respective licenses.
