Рендсбург
| Рендсбург | |
 | |
| |
  Рендсбург | |
| Управа | |
| Земја | Германија |
|---|---|
| Покраина | Шлезвиг-Холштајн |
| Округ | Рендсбург-Екернферде |
| Градоначалник | Пјер Гигенаст (СДП) |
| Основни податоци | |
| Површина | 23,72 км2 |
| Надм. височина | 6 м |
| Население | 28.705 (31 декември 2020)[1] |
| - Густина | 1.210 жит/км2 |
| Други информации | |
| Часовен појас | CET/CEST (UTC+1/+2) |
| Рег. табл. | RD |
| Пошт. бр. | 24768 |
| Повик. бр. | 04331 |
| Портал | www.rendsburg.de |
| Местоположба на градот Рендсбург во рамките на округот Рендсбург-Екернферде | |
 | |
| Координати | 54°18′0″N 9°40′0″E / 54.30000° СГШ; 9.66667° ИГД |
Рендсбург (германски: Rendsburg; дански: Rendsborg) — град на реката Ајдер и на Килскиот Канал во средишниот дел на сојузната покраина Шлезвиг-Холштајн, Германија. Градот претставува административно седиште на округот Рендсбург-Екернферде.
Историја
[уреди | уреди извор]Датумот на основање на градот не е познат. Рендсбург бил првпат споменат во 1199 година. Старата форма на името на дански била Рејнолдсбург (Reynoldsburgh).
Станал дел од Холштајн во XIII век, но бил предаден на Шлезвиг во 1460 година. Многупати, градот преминувал од данска на германска контрола и обратно. Во Втората шлезвишка војна во 1864 година, Рендсбург бил конечно заземен од Кралството Прусија и Австрија. По 1866 година, градот бил припоен од Прусија. Оттогаш, останал дел од Германија.
Иако Ајдер е пловна за мало пловила од нејзиното устие на Северното Море до Рендсбург, важноста на градот пораснала во 1895 година, кога бил завршен Килскиот Канал. Многу поголеми бродови можеле да пловат по Килскиот Канал и иако сместен во внатрешноста, Рендсбург станал морско пристаниште.
Главни знаменитости
[уреди | уреди извор]Најпозната градба во градот претставува Рендсбуршкиот мост, железнички мост од челик, долг 2,5 километри и висок 41 метар, кој бил завршен во 1913 година за да ја пренесе железницата Нојминстер-Фленсбург преку каналот од релативно рамниот дел на другата страна. Тој е најдолгиот железнички мост во Европа (патно-железничкиот мост Ересунд е подолг): на северната страна, мостот прави круг околу градот со цел да ја постигне височината за да се префрли преку каналот. На самиот железнички мост постои фериботски мост — еден од само дваесетте некогаш направени — кој поминува преку каналот.
Воздухопловната школа на Германската војска и подрачна единица на Сојузната служба за заштита од зрачење се наоѓаат во Рендсбург.
Други знаменитости во градот се:
- Градското собрание од XVI век
- Црква Св. Богородица од 1286 година
- Пешачки тунел под Килскиот Канал, најдолг пешачки тунел во светот
- Еврејски музеј Рендсбург[2]
- Музеи во културниот дом[3]
Луѓе од Рендсбург
[уреди | уреди извор]- Ото Бернхарт — германски политичар
- Ханс Блом — фотограф и писател
- Лудвиг Фаренкрог — писател и текстописец
- Ханс Егон Холтхузен — поет, есеист и литературен критичар
- Хартмут Луц — професор
- Михаел Мајер — лекар
- Ноа Вунш — сликар, фотограф и дизајнер
Меѓународни односи
[уреди | уреди извор]Збратимени градови
[уреди | уреди извор]Рендсбург е збратимен со следниве градови:
Ланкастер, Велика Британија (од 1968 г.)
Верзон, Франција (од 1975 г.)
Олборг, Данска (од 1976 г.)[4]
Хапсалу, Естонија (од 1989 г.)
Ратенов, Германија (од 1990 г.)
Кристијанстад, Шведска (од 1992 г.)
Шиен, Норвешка (од 1995 г.)
Рачибож, Полска (од 1995 г.)
Договори за пријателство
[уреди | уреди извор]Рендсбург исто така има договори за пријателство со следниве градови:
Галерија
[уреди | уреди извор]-
Ландскнехт — најстарата куќа во градот, изградена 1541 г. -
Старото Градско собрание -
Црква Св. Богородица -
Зградата на окружната администрација во градот -
Културниот дом во градот
Наводи
[уреди | уреди извор]- ↑ „Население во разните административни единици на Шлезвиг-Холштајн во 2020 г.“. Статистичка служба за Хамбург и Шлезвиг-Холштајн. јуни 2021. (германски)
- ↑ http://www.schloss-gottorf.de/juedisches-museum
- ↑ http://www.museen-rendsburg.de
- ↑ „Збратимени градови на Олборг“. Europeprize.net. Архивирано од изворникот на 2013-09-07. Посетено на 19 август 2013.
Надворешни врски
[уреди | уреди извор]
Рендсбург на Ризницата ?- Официјална страница
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
