Никола Маџиров
Никола Маџиров | ||
![]() | ||
Роден | Никола Маџиров 27 мај 1973 Струмица, Македонија | |
---|---|---|
Занимање | македонски поет, есеист и преведувач. |
Никола Маџиров (роден на 27 мај 1973 год. во Струмица) — македонски поет, есеист и преведувач.
Книжевно творештво
[уреди | уреди извор]Маџиров ги објавил следниве збирки поезија:
- Заклучени во градот (поезија, 1999)
- Некаде никаде (поезија, 1999)
- Асфалт, но небо (хаику поезија, 2003)
- Во градот, некаде (избор песни, 2004)
- Преместен камен (поезија, 2007)
- Рокчето ( сликовница за деца, 2023)
- Шестарот на времето (целокупното поетско творештво во голема поетска книга 2024)
Стиховите на Маџиров „Кога некој заминува, сè што е создадено се враќа“ биле дел од германската поставка на операта „Орфеј и Евридика“, чија премиера се одржала на 2 септември 2014 година, во Минхен, во режија на Андреас Видерман, а во изведба на ансамблот „Опера инкогнита“.[1]
Маџиров е добитник е наградите „Студентски збор“, „Ацо Караманов“, „Браќа Миладиновци“ и европската награда за млад поет „Хуберт Бурда“, која се доделува на автори родени во Централна и Источна Европа.Во 2011 ја добива светската награда за книжевност „ДЈС“ во Кина, европската поетска награда „Левир литерер“ (2015) во Франција, наградата за придонес во современата европска поезија на колеџот „Кингс“ во Кембриџ (2016), главната поетска награда на меѓународниот поетски фестивал „Орфеј“ во Пловдив, Бугарија (2019), меѓународната поетска награда „Литричр енд арт нетворк“ во Пекинг, Кина (2021) Неговата поезија е преведена на повеќе јазици и објавувана е во неколку избори и антологии на македонската поезија. Маџиров е координатор на меѓународната поетска мрежа „Lyrikline“ за Македонија. Бил учесник на повеќе меѓународни поетски фестивали и е добитник на неколку меѓународни признанија и стипендии, како: International Writing Program at University of Iowa; KulturKontakt in Vienna; Internationales Haus der Autoren Graz; LiteraturHause NÖ. Неговата поезија е објавена во над педесетина земји во светот, во Европа, Сад, Азија, Африка, Латинска Америка и во Австралија и преведена е на 41 светски јазик, меѓу кои и на: персиски, јапонски, хебрејски, шпански, галисиски, каталонски, келтски, хрватски, германски, бурмански, бугарски, хинди, малајалски, тамилски, украински јазик [2]
Награди
[уреди | уреди извор]- 2012 Награда за светска поезија „ДЈС“ („Поезија Исток-Запад“), Кина [3]
- 2015 Меѓународна награда ДААД, стипендија за автори и уметници [4]
- 2015 Меѓународна поетска награда „Левир литерер“ (Литературен квасец)[5]
- 2016 Национален уметник на Република Македонија [2]
На 26 септември 2016 година, претседателот Ѓорге Иванов го прогласил Маџиров за национален уметник на Република Македонија. Претходно, на 1 јули, комисијата во состав од Митко Маџунков, Вера Битракова-Грозданова, Тања Вуисиќ-Тодоровска, Петар Темелковски и Беди Ибраими го избрала Маџиров за национален уметник.[6]
Значење и влијание
[уреди | уреди извор]- „Коцка шеќер“ — краток расказ на македонската писателка Оливера Ќорвезироска од 2021 година.[7]
Наводи
[уреди | уреди извор]- ↑ „Поезијата на Маџиров во операта Орфеј и Евридика во Минхен“, Дневник, година XVIII, број 5559, петок, 5 септември 2014, стр. 19.
- ↑ 2,0 2,1 „архивски примерок“. Архивирано од изворникот на 2016-08-07. Посетено на 2016-07-25.
- ↑ http://www.dw.com/mk/%D0%BD%D0%B8%D0%BA%D0%BE%D0%BB%D0%B0-%D0%BC%D0%B0%D1%9F%D0%B8%D1%80%D0%BE%D0%B2-%D0%B4%D0%BE%D0%B1%D0%B8%D1%82%D0%BD%D0%B8%D0%BA-%D0%BD%D0%B0-%D0%BD%D0%B0%D0%B3%D1%80%D0%B0%D0%B4%D0%B0-%D0%B2%D0%BE-%D0%BA%D0%B8%D0%BD%D0%B0/a-16028407
- ↑ http://vesti.mk/news/6206287/poetot-madjirov-dobi-megjunarodna-nagrada[мртва врска]
- ↑ „Маџиров доби француска награда“, Дневник, година XIX, број 5691, петок, 13 февруари 2015, стр. 19.
- ↑ „Никола Маџиров стана национален уметник“, Дневник, година XX, број 6175, вторник, 27 септември 2016, стр. 20.
- ↑ Оливера Ќорвезироска, Престапни години (прозен календар). Скопје: Бегемот, 2021, стр. 414.
![]() |
„Никола Маџиров“ на Ризницата ? |
Text is available under the CC BY-SA 4.0 license; additional terms may apply.
Images, videos and audio are available under their respective licenses.