Кловски дворец
| Кловски дворец Кловський палац | |
|---|---|
 | |
 | |
| Општи податоци | |
| Град | Киев |
| Земја | Украина |
| Завршена | 1756 |
| Проектирање и изградба | |
| Архитект | Готфрид Шадел Василиј Нејелов |
Кловски дворец (украински: Кловський палац) — седиште на Врховниот суд на Украина во Киев. Зградата го носи името Клов според населбата во Печерскиот округ во која се наоѓа.
Барокниот објект бил изграден во периодот од 1752 до 1756 година со средства обезбедени од страна на Киевско-печерската лавра. Руските цареви требало да остануваат во дворецот при нивните посети на пештерниот манастир. Како главни архитекти за изградба на дворецот биле Готфрид Шадел и Василиј Нејелов, додека пак крајот на градбата бил надгледуван од страна на Степан Ковнир. Градината околу дворецот била направена во текот на 1760 година.
Дворецот никогаш не примил царска посета. Катерина II, кога била во посета на Киев во 1787 година, како седиште за престој го искористила Мариинскиот дворец.
Во текот на 1858 година, дворецот бил опфатена од пожар и истата била повторно саниран наскоро по пожарот, со додавање на горниот кат. Дворецот претрпел пожар и за време на Октомвриската револуција, а обновата била спроведена во 1970-тите години.
| ||||||||||||||||
50°26′31.7″N 30°31′57.5″E / 50.442139° СГШ; 30.532639° ИГД
Text is available under the CC BY-SA 4.0 license; additional terms may apply.
Images, videos and audio are available under their respective licenses.
