Кире Костов
Кире Костов (Битола, 14 септември 1949 - Скопје, 27 јули 2023) — познат македонски композитор, инструменталист и диригент.[1][2][3]
Животопис
[уреди | уреди извор]Костов е роден 1949 година во Битола. Средно музичко училиште завршил во Битола. Уште во тој период активно учествувал во културно-забавното живеење на Битола. Натамошното школување го продолжил на Музичката академија во Белград, а потоа и на Факултетот за музичка уметност во Скопје. Во периодот од 1970 до 1988 година бил прв трубач и солист на Танцовиот оркестар на тогашната Радиотелевизија Скопје, а од 1988 година до денес (2010) и негов диригент. Како единствен претставник на тогашна Југославија, учествувал во Бигбендот на Европската радиодифузија, кој бил составен од по еден инструменталист од секоја земја од Европа.
Творештво
[уреди | уреди извор]Автор е на околу педесетина композиции во оркестарска изведба од областа на џезот. Од областа на популарната музика има околу триста наслови како композитор - „Летај галебе“, „Кога те нема“, „Твоите очи сине“, „Синот божји“, „Тајно моја“, „Илузија“ и многу други, и уште толку како аранжер на други автори. Бил еден од основачите на фестивалот за деца и млади „Си - до“ кој се одржуваше во Битола од 1991 до 2000 година. Бил уметнички директор на Интерфест Битола за популарна музика. Добитник е на бројни награди и признанија. Моментално е диригент на Бигбендот на МРТ, а на Факултетот за музичка уметност предава на отсекот за камерна музика - оркестар.
Наводи
[уреди | уреди извор]- ↑ Старделов, Георги (2004). Музиката на почвата на Македонија од Атанас Бадев до денес. Скопје: Македонска Академија на Науките и Уметностите. ISBN 9989101388.
- ↑ Ристовски, Блаже, уред. (2009). „КОСТОВ, Кире“. Македонска енциклопедија. , книга . Скопје: МАНУ. Text "series " ignored (help)
- ↑ „Факултет за музичка уметност“. Факултет за музичка уметност (англиски). Посетено на 2022-05-03.
Text is available under the CC BY-SA 4.0 license; additional terms may apply.
Images, videos and audio are available under their respective licenses.