Ијасент Риго
![](https://upload.wikimedia.org/wikipedia/commons/thumb/8/8d/Autoportrait_au_turban_%28Perpignan%29.jpg/225px-Autoportrait_au_turban_%28Perpignan%29.jpg)
![](https://upload.wikimedia.org/wikipedia/commons/thumb/5/5f/Louis_XIV_of_France.jpg/235px-Louis_XIV_of_France.jpg)
Ијасент Риго (фр. Hyacinthe Rigaud или Hiacint Riagau; 20 јули 1659 – 27 декември 1743, Париз) — истакнат француски барокен сликар од каталонско потекло.
Роден е како Жасинт Риго и Рос [1] во Перпињан, кој набргу по неговото раѓање потпаднал под француска власт со Пиринејскиот мировен договор.
Во 1682 Риго ја освоил Римската награда за сликарство.
Риго бил најважниот сликар на портрети за време на владеењето на кралот Луј XIV. Неговиот инстинкт за импресивни пози и величествени претставувања точно се совпаѓал со вкусовите на неговите клиенти - кралски семејства, амбасадори, свештеници, дворјани и финансиери.
Во неговите слики со голема прецизност ги доловувал ликовите, облеката и позадинските детали, па затоа неговите слики се сметаат за точни сведоштва за тогашната мода и стил на облекување. Риго бил мајстор на барокниот стил. Неговото најпознато дело е портретот на кралот Луј XIV (1701) кој денес е сместен во Лувр, Париз, како и втор примерок од истиот портрет, исто така порачан од кралот, кој денес краси еден од ѕидовите во Версај.[2]
Во 1709 тој бил прогласен за благородник од страна на неговиот роден град Перпињан. Во 1727 бил прогласен за витез со орден на Редот на Свети Михаил.
Наводи
[уреди | уреди извор]- ↑ Catalogne Nord.com. „Каталонска уметност и нејзините уметници — Сликарство“. Архивирано од изворникот на 2007-09-28. Посетено на 16 јуни 2007. (англиски)
- ↑ Откриено во Версајскиот дворец: културна понуда на Версајскиот дворец Архивирано на 26 август 2006 г. (англиски) (француски)
![]() |
„Ијасент Риго“ на Ризницата ? |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.