Историски речник на Швајцарија — енциклопедија за историјата на Швајцарија, која целела да ги земе во обѕир резултатите на современите историски истражувања со цел да ги направи достапни на пошироката јавност.

Енциклопедијата е објавена од фондација под патронат на Швајцарската академија на општествените науки (SAGW/ASSH) и Швајцарското историско друштво (SGG-SHH) и е финансирана од националните истражувачки грантови. Покрај 35. вработени во средишните канцеларии, придонесувачи биле 100 академски советници, 2.500 историчари и 100 преведувачи.

Енциклопедијата била уредувана истовремено на трите национални јазици во Швајцарија: германски (Historisches Lexikon der Schweiz, HLS), француски (Dictionnaire Historique de la Suisse, DHS) и италијански (Dizionario Storico della Svizzera, DSS). Првото од 13. изданија било објавено во 2002 година. Последното издание е објавено во 2014 година.

36.000 одредници биле поделени на:

1. биографии (35 %)
2. статии за семејствата и генеалогија (10 %)
3. статии за места (општини, кантони, други национални држави, тврдини, археолошки места) (30 %)
4. статии за темата (историски настани, институции, случувања) (25 %)

Електронското издание е достапно од 1998 година. Статиите ги прави достапни и бесплатни и сите статии се спремни за печатење, но без слики. Исто така ги вклучува сите 36.000 одредници.

Lexicon Istoric Retic (LIR) е посебна верзија на речникот во две изданија на статиите објавени во реторомански. Вклучува статии кои не се достапни во другите јазици. Првото издание било објавено во 2010 година, а второто во 2012 година.

Исто така е достапно и електронско издание.

• Historisches Lexikon der Schweiz (HLS), Schwabe AG, Basel, ISBN 3-7965-1900-8 (2002–)
• Dictionnaire historique de la Suisse (DHS), Editions Gilles Attinger, Hauterive, ISBN 2-88256-133-4 (2002–)
• Dizionario storico della Svizzera (DSS), Armando Dadò editore, Locarno, ISBN 88-8281-100-X (2002–)
• Lexicon Istoric Retic (LIR), Kommissionsverlag Desertina, Chur, ISBN 978-3-85637-390-0 (vol.1: Abundi à Luzzi), ISBN 978-3-85637-391-7 (vol. 2: Macdonald à Zwingli)

• DHS/HLS/DSS — електронско издание на германски, француски и италијански
• Lexicon Istoric Retic (LIR) — електронски издание на реторомански