Земја на Принцезата Елизабета (англиски: Princess Elizabeth Land) — отсечок на Антарктикот помеѓу 73° ИГД и ’ртот Пенк (87°43' ИГД). На овој дел полага право Австралија како дел од нејзината Австралиска Антарктичка Територија, иако не ужива голема признаеност.

Земјата е сместена помеѓу 64°56' ЈГШ и 90°00' ЈГШ и помеѓу 73°35' ИГД и 87°43' ИГД. Поделена е на два дела:

• Брег на Ингрид Кристенсен, 73°35' ИГД to 81°24' ИГД
• Брег на Леополд и Астрид, 81°24' ИГД to 87°43' ИГД

На запад се граничи со Ејмериевата Ледена Плоча, Мак. Робертсоновата Земја, а на исток со Земјата на Вилхелм II.

Земјата на Принцезата Елизабета е откриена на 9 февруари 1931 г. од Британската австралиска и новозеландска антарктичка истражувачка експедиција (BANZARE) (1929–31) под водство на Даглас Мосон. Мосон ја нарекол во чест на принцезата Елизабета, внука на тогашниот крал Џорџ V и подоцна кралица Елизабета II. Ова е една од двете области наречени по неа. Другата е Земјата на Кралицата Елизабета сместена од другата страна на континентот, во Британската Антарктичка Територија и именувана во 2012 г. по повод дијамантскиот јубилеј на кралицата.

Иако Австралија полага право на целата Земја на Принцезата Елизабета, тука се сместени руски поларни станици како „Восток“ (најстуденото место на Земјата) и „Мирни“.

• Земја на Кралицата Елизабета
• Кралица Елизабета (архипелаг)

• Земја на Принцезата Елизабета на Ризницата ^?
• Австралиски антарктички географски лексикон: Карти на Австралиската Антарктичка Територија (англиски)

п р у Територијални претензии врз Антарктикот Денешни Аделина Земја (Фр.) Австралиска Антарктичка Територија Вилкс Вилхелм II Ендерби Кемп Кралица Марија Мак. Робертсон Оутс Принцеза Елизабета Џорџ V Аргентински Антарктик Британска Антарктичка Територија Кралица Елизабета Кралица Мод (Нор.) Остров Петар I (Нор.) Росова Зависност (НЗ) Чилеанска Антарктичка Територија Поранешни Јамато Јукихара (Јап.) Нова Швабија (Гер.) Ничии Земја на Мери Берд

80°00′S 78°00′E / 80.000° ЈГШ; 78.000° ИГД / -80.000; 78.000