Драгор
| Драгор | |
|---|---|
.jpg) | |
 | |
| Местоположба | |
| Физички особености | |
| Устие | Црна Река |
• надм. вис. | 577 м |
| Должина | 25 км |
| Особености на сливот | |
Драгор (поранешно име: Макофро)[1][2] — река која тече низ Битола. Настанува од повеќе помали реки. Изворишниот дел го чинат повеќе водотеци што извираат од падините на Пелистер и тоа: Сапунчица, Лак Поток, Црвена Река и Клисурица. Во горните планински делови Драгорот минува низ селата Дихово и Братин Дол, а во долните делови сред Пелагонија (надморска височина од 576 м), се влева во Црна Река 1 км северозападно од селото Новаци.
Вкупната должина на Драгорот изнесува 25 км, со обем на вододелницата од 67 км, слив од 188 км2 и среден пад од 17,0%. Максимални месечни водостои и протоци реката Драгор има во април и мај поради пролетните врнежи и топењето на снегот на Пелистер, додека од јули до септември се jaвyвa минимум водостоj.
Само горниот тек на Драгорот има добар квалитет и биолошка разновидност. Од Битола до утоката во Црна Река Драгорот е без никаков жив свет поради индустриско загадување на водата.
Во 1896 коритото на Дрaгорот низ центарот на градот било регулирано со кеjови во должина од 3,5 км., длабоки повеќе од 4 м, и потоа со мостови и камени каскади.
Во 1962 градот бил поплавен и се стравувало дека ќе се случи катастрофа, доколку се случеше прелевање на водата која достигнала ниво до мостовите во градот. Сосема спротивно од тоа, во октомври 1966 се случило коритото да е сосема суво. Поради ваквите случаи, од 1983 со изградбата на доводниот собирен канал на води за Стрежевското Езеро се регулира нивото на водата во речното корито на Драгорот.
Галерија
[уреди | уреди извор]-
Драгор низ Битола - гравура од 19 век -
Мостот на реката Драгор, кај месноста Довлеџик. Битола, 1916 -
Драгор низ Битола -
Мост над Драгор во Битола -
Течението на реката Драгор кај селото Дихово -
.jpg)
Наводи
[уреди | уреди извор]- ↑ Lorenzo Bernardo (1999-08-12). „15, Macofro, presently known as Dragor“. Robert Elsie. Архивирано од изворникот на 2013-03-22. Посетено на 2013-05-01.
- ↑ Lorenzo Bernardo (1999-08-12). „Опис на патувањето на венецијанскиот пратеник Лоренцо Бернардо низ Македонија, во 1591 г“. Гл. иН и, XВ/1, Скопје, 1971 г. Архивирано од изворникот на 2007-08-12. Посетено на 2013-05-01.
| ||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
