Вирунга
Врвот на Микено
Највисока точка
Врв	Карисимби
Надм. височина	4.507 м
Величина
Должина	80 км [1]
Географија
Земји	ДР Конго,  Руанда и  Уганда

Вирунга (или Муфумбиро^[1]) — венец вулкански планини во Источна Африка долж северната граница на Руанда, ДР Конго и Уганда. Венецот е огранок на планините на Албертскиот Срт, кои се граничат со западниот ракав на Источноафриканскиот Расед. Сместени се меѓу езерата Едвардово и Киву. Името е видоизменета англизирана верзија на руандскиот збор ibirunga, што значи „вулкани“.

Веригата се состои од осум поголеми вулкани, од кои највеќето се заспани, Исклучок се Њирагонго (3.462 м) и Њамурагира (3.063 м), обете во ДР Конго, со нивните избуви во 2006 и 2010 г. Највисок вулкан е Карисимби со 4.507 м, а најстар е Сабјињо, кој се издига на 3.634 м надморска височина.

Планините се дом на планинската горила, која се води како критично загрозена на Црвениот список на МСЗП поради губиток на живеалиштето, криволовство, болести и војување^[2]. Меѓу планините Карисимби и Бисоке е сместен Истражувачкиот центар „Карисоке“, основан од американскиот зоолог Дајан Фоси за изучување на овие животни.

Планина	Земја	Висина (м)
Карисимби	Руанда /  ДР Конго	4.507
Микено	ДР Конго	4.437
Мухабура	Руанда /  Уганда	4.127
Бисоке	Руанда /  ДР Конго	3.711
Сабјињо	Руанда /  Уганда /  ДР Конго	3.674
Гахинга	Руанда /  Уганда	3.474
Њирагонго	ДР Конго	3.470
Њамурагира	ДР Конго	3.058

• Национален парк Вирунга,  ДР Конго
• Национален парк Вулкани,  Руанда
• Национален парк на горилите Мгахинга,  Уганда

• Рувензори

„Вирунга“ на Ризницата ?

• Национален парк Вирунга Архивирано на 3 октомври 2008 г. (англиски)
• Вулканите на Вирунга Архивирано на 20 август 2016 г. — туристички портал (англиски)
• Вирунга^{[мртва врска]} — Peakware (англиски)

01°25′45″S 29°32′54″E / 1.42917° ЈГШ; 29.54833° ИГД / -1.42917; 29.54833