Посети на музеи - проект на здружението на граѓани Споделено знаење. Проектот бил започнат во 2022 година со цел соработка со установи од културата и науката, посета на установите, фотографирање и/или прибирање фотографии, уредување на статии поврзани со македонските музеи, повремено библиотеките и непосредните знаменитости во текот на одредената активност. Овој проект е дел од програмата „Партнерства“ на Споделено знаење.

На 4 ноември беше посетен Музејот „Д-р Никола Незлобински“ во Струга. Тогаш беше фотографирана надворешноста на двете згради меѓу кои природонаучната зграда и управната зграда која служи и како депо на музејот. Воедно, беа фотографирани и други знаменитости во Струга како што се староградски куќи, бисти, споменици, разни поранешни и тековни административни згради, културно-просветни установи, верски градби и спортски зданија, мостови. Од фотографската фаза, 63 податотеки беа закачени на Ризницата. По закачувањето на фотографиите, следеше уредување на статиите и на 9 ноември беа создадени пет и беа подобрени шест статии. Следниот ден, беа создадени седум статии и беа подобрени пет статии. На 14 ноември беше создадена една статија и беа подобрени четири статии.

На 6 јули беше посетено Враништа, односно неговите цркви и црковниот музеј при црквата „Св. Никола“. Беа посетени и фотографирани шест храмови и беа фотографирани сите поставки во музејот. Беа закачени 70 фотографии. На 21 јули беа подобрени 3 статии и беше создадена една статија. На 24 јули беше создадена една статија и беше подобрена 1 статија. На 25 јули беше создадена една статија. На 26 јули беше подобрена и создадена по една статија.