Бургазада
Бургазада, Бургаз Адаси, или кратко Бургаз (грчки: Αντιγόνη, Антигони) — трет по големина од Принцевските Острови кој се наоѓа во Мраморно Море, во близина на Истанбул, Турција.
Официјално е кварт во областа Адалар во Истанбул. Бургазада е вообичаен амбиент, па дури и главна тема за писателот Саит Фаик Абасијаник, каде што и тој престојувал. Денес, куќата каде тој живеел е претворена во музеј. Во 2003 година, Бургазада претрпела страшен шумски пожар, губејќи ја речиси целата негова шума.
Островот се состои од еден рид со должина од 2 километри. Деметриј I Македонски, еден од дијадосите (наследниците) на Александар Македонски, изградил тврдина (грчки: Pyrgos за тврдина/кула) овде и ја нарекол по неговиот татко Антигон I . Островот го добил ова име, но денес е општо познат од Турците како „Бургаз“.
Историски гледано, островот бил населен главно од грчко малцинство, додека во 20 век, многу Евреи од Истанбул се населиле во Бургазада. Во последниве години, со намалувањето на малцинското население во Турција, рамнотежата на месното население се префрлила кон онаа на Истанбул воопшто.
Санаториумот Бургазада, основан во 1928 година, е еден од најстарите санаториуми во земјата.
Според весникот Константинополис,[1] Деметриус Николадес имал куќа на островот[2]
Наводи
[уреди | уреди извор]- ↑ Balta, Evangelia; Ayșe Kavak (2018-02-28). „Publisher of the newspaper Konstantinoupolis for half a century. Following the trail of Dimitris Nikolaidis in the Ottoman archives“. Во Sagaster, Börte; Theoharis Stavrides; Birgitt Hoffmann (уред.). Press and Mass Communication in the Middle East: Festschrift for Martin Strohmeier (PDF). University of Bamberg Press. стр. 33-. ISBN 9783863095277.[мртва врска] - Volume 12 of Bamberger Orientstudien - Hosted at Kooperativer Bibliotheksverbund Berlin-Brandenburg (KOBV) // Cited: p. 37.
- ↑ Balta, Evangelia; Ayșe Kavak (2018-02-28). „Publisher of the newspaper Konstantinoupolis for half a century. Following the trail of Dimitris Nikolaidis in the Ottoman archives“. Во Sagaster, Börte; Theoharis Stavrides; Birgitt Hoffmann (уред.). Press and Mass Communication in the Middle East: Festschrift for Martin Strohmeier (PDF). University of Bamberg Press. стр. 33-. ISBN 9783863095277.[мртва врска] - Volume 12 of Bamberger Orientstudien - Hosted at Kooperativer Bibliotheksverbund Berlin-Brandenburg (KOBV) // Cited: p. 39.
Надворешни врски
[уреди | уреди извор]- Бургазада на веб-страницата на општина Истанбул
Text is available under the CC BY-SA 4.0 license; additional terms may apply.
Images, videos and audio are available under their respective licenses.
